उद्योग व्यापार संगठन तिलोत्तमाको अध्यक्षमा प्रेम जि.एम.सर्बसम्मत

तिलोत्तमा सिटी,२३ असोज २०७८।  उद्योग व्यापार संगठन तिलोत्तमाको सातौ साधारण सभा तथा चौथो अधिवेसनबाट प्रेम बहादुर घर्तिमगरको अध्यक्षतामा नया नेतृत्व चयन गरेको छ। संगठनको शनिबार सम्पन्न अधिवेशनबाट उपाध्यक्ष दिनेश खनाल, उपाध्यक्ष शोभा पराजुली, भुपति न्यौपाने, महासचिव हेमलाल न्यौपाने, सचिव युवराज पराजुली, सहसचिव सुर्य चापागाई, कोषाध्यक्ष दल बहादुर थापा, सहकोषाध्यक्ष मित्र न्यौपाने र सदस्यहरुमा प्रभात पौडेल , सतिस सापकोटा, प्रकाश ज्ञवाली,पारस थापा , बिमला सारु , रबिन जोशी,मनु श्रेष्ठ, बिबस थापा, सागर सिग्देल, बाला थापा , जयपाल हमाल , सन्त बहादुर बिक ,मुक्ति बस्याल , माया थापा , कमला चौधरी , पुजा न्यौपाने, अर्चना केसी र नितेश जैसवाल सहित २७ जना सदस्य र आठ सदस्यीय सल्लाहकार समिति समेत सर्वसम्मत चयन भएको हो । 

एक समारोहका बिच लुम्बिनी प्रदेशका मुख्यमन्त्री कुल प्रसाद केसीले उद्घाटन गर्दै देशको आर्थिक विकासको मेरुदण्डको रुपमा उद्योग व्यापार रहेको बताए। कोभिड १९ का कारण देश नै आक्रान्तले ठूलो समस्यामा परेको भन्दै उनले विस्तारै न्युनिकरणको क्रममा रहेको बताए। अझै पनि हामी डर र त्रासमा छौ उनले भने। मुलुक नै आक्रान्त हुदा यसबाट सबै पक्ष प्रत्यक्ष अप्रत्यक्ष प्रभावित भएको भन्दै अब विस्तारेै गति लिने बताए। सरकारीतहबाट लिईने सेवाहरुमा उद्योगीहरुलाई छुट र सहुलियतको ब्यवस्था गरेर थोरै भएपनि सम्बोधन गरेको उनले बताए। नेपालको विकासको रफ्तारलाई ५-१० वर्षको खाडलमा पुर्याउने संक्रमणबाट भएको भन्दै सरकार पहल गरेर सबैको साथ र सहयोगमा गति लिने गरि अघि बढेको बताए। कृषि, पर्यटन, उद्योग प्रदेशको आर्थिक विकासमा महत्वपुर्ण पाटो भएको उनले बताए। संगठनबाट क्षेत्रगत आधारमा कस्तो उद्योग राख्न सकिन्छ भन्ने अध्ययन गरेर रिपोर्ट तयार गर्न सके सरकारलाई दिर्घकालिन योजना बनाउन सहयोग मिल्ने उनले बताए।

संगठनका तिलोत्तमा अध्यक्ष सत्यब्रत ज्ञवालीले राष्ट्रिय अर्थतन्त्रमा ब्यापार संगठनको भुमिका महत्वपुर्ण रहेपनि सरकारबाट आवश्यक नीति अभावका कारण समस्या झेल्नुपरेको बताए। आत्मनिर्भर अर्थतन्त्र निर्माण गर्ने लक्ष्यसहित काम अघि बढाएको उनले बताए। कोभिड १९ को संक्रमण तथा निशेषाज्ञाको बेला व्यापार, पर्यटन क्षेत्र धराशाही हुन पुगेको भन्दै सरकारबाट विशेष योजना ल्याउन उनले सुझाव दिए। कोभिड विरुद्धको खोप लगाउन सरकारको पहल महत्वपुर्ण रहेको स्मरण गर्दै उनले आगामी दिनहरुमा पनि विशेष सहयोगको अपेक्षा राखेका थिए। कार्यक्रममा संगठनलाई वर्षभरि सहयोग गर्ने ब्यक्ति, संगठनहरुलाई समेत सम्मानपत्रबाट सम्मानित गरिएको थियो। 

लुम्बिनी प्रदेशका अध्यक्ष मनिष कुमार जोशी, महासचिव खिमनारायण पराजुली, नेकपा माओबादी केन्द्रका जिल्ला  संयोजक नारायण जिसि, उद्योग व्यापार संघ बुटवलका अध्यक्ष गोबिन्द राज गैरे, सैनामैनाका अध्यक्ष राजेन्द्र घिमिरे, संगठन तिलोत्तमाका उपाध्यक्ष प्रेम घर्तिमगर, सचिव हेमलाल न्यौपानेले उद्योगी तथा ब्यवसायीहरुलाई एकतावद्घ गर्दै हकहितमा अग्रसर हुदा सहकार्य अघि बढेको बताए। संगठनमा १ हजार सदस्यहरु आवद्ध छन।