नियमित रक्तदाता संघ नेपाल रुपन्देहीको आयोजनामा रक्तदान

तिलोत्तमा २०७८ बैशाख १८ गते शनिबार। नियमित रक्तदाता संघ नेपाल रुपन्देहीको आयोजनामा आज बुटवलमा रक्तदान भएको छ ।     कोभीडको संक्रमण बददै  जादा अस्पतालमा रगतको  अभाव नहोस भनेर रक्तदान कार्यक्रम गरिएको   संघका सचीव   महेश खनालले बताए । शुक्रबार बिहान ८बजे देखि सुरु भएको कार्यक्रममा ८५ जनाले रक्त दान गरेको संघका सदस्य तथा कार्यक्रम सम्योजक राजु रसाइलीले जानकारी दिए । उनका अनुसार निषेधाज्ञाका बावजुद पनि रक्तदाता रक्त संचार केन्द्रमा पुगेका थिए ।

रक्तदान कार्यक्रमको उद्घाटन कार्यक्रममा समाजसेवि एम बि बिस्वकर्माले रक्तदान जस्तो पुन्य काम अन्य सेवाबाट मिल्न नसक्ने बताए ।  संघले नियमित रुपमा जस्तोसुकै परिस्थितिमा पनि कार्यक्रमलाइ जारी  राखेको भन्दै सहयोग गर्ने पर्तिबद्धता जनाए । कार्यक्रममा संघका सल्लाहकार सुरेन्द्र साक्य , सल्लाहकार भिमसेन श्रेष्ठ  राजु रसाइली लगायतले रक्तदानको महत्त्वको विषयमा चर्चा गरेका थिए । संघका कोषअध्यक्ष दिपक अधिकारिले जिल्ला प्रशासन कार्यलय रुपन्देहीको  सहजीकरणमा कार्यक्रम गर्नुपाउनु  संघको गौरवको कुरा भएको बताए । निषेधाज्ञाको क्रममा  अस्पतालमा रगतको अभाव हुन नदिन संघ र रक्त संचार केन्द्र बुटवलसंग समन्वय गर्ने निर्यय भएको थियो ।