नेकपा एमाले तिलोत्तमाको अध्यक्षमा तामानाथ पाण्डे

तिलोत्तमा सिटी,१० कार्तिक २०७८। लामो छलफलपछि नेकपा एमाले तिलोत्तमा नगर कमिटिको अध्यक्षमा तामानाथ पाण्डे चयन भएका छन् । हिजोदेखि सुरु भएको अधिवेशनमा नेतृत्वका आंकाक्षिहरु धेरै भएपछि अधिबेशनको पहिलो दिन दोस्रो दिन विहानैदेखि आन्तरिक छलफलमा रहेको एमालेले सहमतिमै नेतृत्व टुङ्ग्याउन सफल भएको हो ।

सहमति अनुसार उपाध्यक्षमा नेत्र वन, सचिवमा मिन प्रसाद पोखरेल तथा दुईवटा उपसचिव पदमा गणेश उपाध्याय र संगीता गुरुङ चयन भएको एमाले रुपन्देहीका सचिवालय सदस्य तथा प्रचार विभाग प्रमुख मोहन चापागाईंले जानकारी दिए । साथै तिलोत्तमा नगरका निबर्तमान अध्यक्ष मोहन चापागाईंले निर्बाचित नया नगर कमिटीलाई पार्टीको माइन्युट तथा कार्यालय सामाग्री हस्तान्तरण समेत गरेका थिए।हाल अध्यक्षमा चयन भएका पाण्डे तिलोत्तमा वडा नं. १ का वडाअध्यक्ष हुन्।मंगलबार शुरु भएको नगर अधिवेशनमा अध्यक्षका लागि पाण्डेसंगै नेत्र वन, मिनप्रसाद पोखरेल र सुरेन्द्र श्री गरी चारजनाले उम्मेदवारी दिएका थिए।पार्टि नेतृत्वको  दुईदिनसम्मको प्रयासपछि अध्यक्षमा उम्मेदवारी दिएका वनलाई उपाध्यक्ष र पोखरेललाई सचिवमा सहमती जुटाएको हो।त्यस्तै उपसचिवमा भने गंगा गुरुङ र गणेश उपाध्यायलाई सर्वसम्मतीमा चयन गरिएको निर्वाचन समितिले जनाएको छ।अध्यक्षका अर्का आकांक्षी सुरेन्द्र श्री लाई भने जिल्ला कमिटीमा लैजाने भनेर सहमती जुटाईएको एक जिल्ला नेताले बताए।श्री तिलोत्तमा नगरपालिकाका प्रवक्ता समेत हुन्।वन र पोखरेल भने यसअघि पनि एमाले नगर उपाध्यक्ष र सचिव रहेका थिए।एमाले उपमहासचिव घनश्याम भुसालको गृहनगर रहेको तिलोत्तमा नगरपालिका अर्का उपमहासचिव बिष्णु पौडेलेको पनि निर्वाचन क्षेत्र हो।तिलोत्तमामा उपाध्यक्षमा ११ जना, सचिवमा २ र उपसचिवका लागि ३२ जनाले उम्मेदवारी दिएका थिए।

योसँगै रुपन्देहीका १३ वटा पालिकाहरुमा नेतृत्वको टुङ्गो लागेको छ । नेतृत्व टुङ्गीएको बुटवल उपमहानगरपालिकामा भने सचिव र दुई उपसचिव पदमा अझै टुङ्गो लाग्न सकेको छैन । नेतृत्वका लागि सिद्धार्थनगर नगरपालिका, देवदह नगरपालिका र सियारी गाउँपालिकामा छलफल जारी रहेको एमालेले जनाएको छ । जिल्लाका सैनामैना र लुम्बिनी साँस्कृतिक नगरपालिकासहित कञ्चन गाउँपालिका, सुद्धोधन गाउँपालिका, मायादेवि, ओमसतिया, रोहिणी, सम्मरीमाई, कोटहीमाई, मर्चवारी र गैडहवा गाउँपालिकामा हिजो (मँगलबार) नै सर्वसहमतिमा नेतृत्व चयन भएको छ।