तिलोत्तमा सिटी,२८ साउन २०७८,बिहिबार। अमेरिकाको भिसा त्यागेर देशमै केहि गर्ने युवा शक्तिको कथामा बनेको फिल्म गोपी अहिले देशभर प्रदर्शनमा छ । फिल्म को चर्चा जति छ त्यो भन्दा कैयौ गुणा दरिलो र उत्कर्षमा छ तिलोत्तमा नगरका गोपी शशि पौडेलको । बिहानै उठेर नित्यकर्म सकेर ५ नबज्दै गोठ पुग्छन , गाइको सेवा गर्न गाइपालक शशि पौडेल । ११ बर्ष अघिदेखि पशुपालन क्षेत्रमा क्रियाशील रहेर व्यवसायिक रुपमा पशुपालन व्यवसायलाई स्थापित गराउन र यस क्षेत्रका किसानहरुमा प्रेरणा दिने किसान हुन् शशी पौडेल । रुपन्देहीको तिलोत्तमा १३ टिकुलिगढमा नेपालको सवैभन्दा ठूलो गाई फार्म लुम्विनी एग्रो एण्ड रिर्सर्च मार्फत गाईपालन गर्दै आएका उनि यस वर्षमात्र जनसेवा श्री पुरस्कारबाट विभुषित भए ।
मेहनत र इमान्दारिताले नै सबै ब्यबासय अनि पेशामा अघि बढ्न सकिने तर्क छ शशिको । पछिल्लो समयमा नेता हरुको आशाबादी भाषण र पशुपालकको मेहनतको फलको आशा एउटै भएका कारण यो पेशा संकटमा आएको र भएका गाई फारम हरु पनि बन्द हुने अवस्थामा रहेको उनको ठम्म्याइ छ । पछिल्ला केही दुइ चार वर्षमा गाईपालन व्यवसायतिर जसरी आकर्षण बढिरहेको थियो त्यो आकर्षण अहिले आएर विस्तारै घट्दै गइरहेको र धमाधम गाई विक्री गर्दै फार्म वन्द भईरहेको गोपी शशि पौडेलको भनाइ छ ।अन्य ब्यबसाय जस्तो गाई पालन व्यवसाय आजको भोली नै फाइदा दिने व्यवसाय नभएको र यो धेरै जटिल कार्य भएको पौडेलको भनाइ छ। उनि भन्छन अहिले किसानहरुलाई गाईवस्तुपाल्नु यसलाई जोगाउनु दुध दुनु र बेच्नु त्यसको बजारीकरण गर्नु भनेको एकदमै जटिल काम भैरहेको छ । विहान उठेदेखि बेलुका नसुतेसम्म गोठमै समय विताउदा पनि उत्पादन भएका दूधले बजार नपाएको उनको गुनासो छ ।राज्यले युवा स्वरोजगार कोष र युवा लक्षित कार्यक्रम सञ्चालन भन्दै युवाहरुलाई बिगार्नको लागि यस्ता कार्यक्रम सञ्चालन गरिरहेको र आजसम्म युवा स्वरोजगारबाट कति युवाहरुले रोजगार पाए र कतिले रोजगारी सृजना गरे भन्ने अनुगमन नभएको र यसले झन् युवा हरुमा बिदेशिन बाध्य बनाएको समेत उल्लेख गर्नुभयो ।
देशको बिकाश कृषि पशुपालन बाहेक अन्य ब्यबसायबाट सम्भव नभएको भन्दै उनले जस्ता नेता हरु आएपनि कृषिको बारेमा किताब पढ्ने र भाषण गर्ने बाहेक निचोड काम केहि नभएको बताए ।गोपी शशि भन्छन राज्यको आखामा कृषिलाई व्यवसायीकरण गर्नुपर्छ भन्ने र अर्का्तिर लगानीको कुरा राख्दा यो बिबादस्पाद देखिन्छ ।काम गर्ने किसानलाई आवश्यकता अनुसारको ऋण प्रवाह गर्नु र त्यसरी लिएको ऋणलाई दुरुपयोग गरेको छ कि भनि अनुगमन गर्दै पुरष्कार र कार्वाही गर्ने व्यवस्था राज्यले गर्नु पर्दछ त्यसैले राज्य अझै पनि कृषि मैत्री हुन सकेको छैन । त्यस्तै किसान हरुमा पनि ठुलो समस्या रहेको र गाई ल्याउनुमात्र ठूलो नभई त्यसलाई व्यवस्थापन गर्नु ठूलो कुरा भएको पौडेल को भनाइ छ ।
गाई पालनका लागि गाईभन्दा पनि उन्नत नश्ल ल्याउनु आवश्यक रहेको उनको ठम्म्याइ छ । लामो समय देखि देशको सरकारी जागिर संगै विदेशको अमेरिकन भिसा समेत त्यागेर पशुपालनमा लागेका उनि पशुपालन कार्यप्रति सन्तुष्ट नै छन् । असन्तोष भनेको संसारमा पैसा, पद र प्रेम मात्रै हो,यी ती चीजले कसैलाई पनि सन्तुष्ट तुल्याउने सक्ने विषय होइन भन्दै पौडेल आफ्नो व्यवसायमा सन्तुस्ट रहेको बताउछन ।
कमेन्ट गर्नुहोस्