गृहमन्त्रीमा खाँड, चारैजना मन्त्रीले लिए पद तथा गोपनीयताको शपथ

तिलोत्तमा सिटी २९ असार २०७८, मंगलवार।  नेपाली कांग्रेसले गृहमन्त्रीमा बालकृष्ण खाँडलाई पठाएको छ ।कांग्रेस संसदीय दलका मुख्य सचेतक एवं प्रधानमन्त्री शेरबहादुर देउवाका निकट खाँडलाई गृहमन्त्री बनाएको हो। कांग्रेसबाट ज्ञानेन्द्र कार्की पनि पहिलो चरणमै मन्त्री बन्ने चर्चा रहेको थियो । प्रधानमन्त्री सहित केही मन्त्रीहरुको सपथ ग्रहण आजै साँझ ६ बजे रहेको थियो ।

देउवा सरकारका चार मन्त्रीले लिए शपथ

२९ असार, काठमाडौं । नवनियुक्त प्रधानमन्त्री शेरबहादुर देउवाले मन्त्रिपरिषद् गठन गरेका छन् ।संविधानको धारा ७६(५) अनुसार प्रधानमन्त्री नियुक्त भएका देउवाले आफ्नो दल नेपाली कांग्रेससँगै माओवादी केन्द्रबाट २-२ जना मन्त्री नियुक्त गरेका हुन् ।कांग्रेसबाट बालकृष्ण खाँण गृहमन्त्री नियुक्त भएका छन् भने ज्ञानेन्द्रबहादुर कार्की कानुनमन्त्री भएका छन् । यस्तै माओवादी केन्द्रबाट जनादर्न शर्मा प्रभाकर अर्थ र पम्फा भुसाल ऊर्जामन्त्री बनेका छन् ।नवनियुक्त चारैजना मन्त्रीले मंगलबार नै पद तथा गोपनीयताको शपथ लिएका छन् ।कानून, न्याय तथा संसदीय मामिलामन्त्री ज्ञानेन्द्र बहादुर कार्कीलाई सकारको प्रवक्ताको जिम्मेवारी तोकेको छ ।नवनियुक्त प्रधानमन्त्री शेरबहादुर देउवा नेतृत्वको मन्त्रिमण्डलको पहिलो बैठकले मन्त्री कार्कीलाई सरकारको प्रवक्ताको जिम्मेवारी तोकेको हो ।