लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी, २०८१ वैशाख १६ गते । पश्चिम नवलपरासी प्रहरीले १४ लाख बराबरको भन्सार छली गरेर ल्याइएका सामान बरामद गरेको छ । बिहीबार र आइतबार गरेर १४ लाख बराबरको सामान बरामद गरेको हो ।
आइतबार भन्सार छली गरेर ल्याएको ७ लाख रुपैयाँको सामान र पशुचौपाया पश्चिम नवलपरासी प्रहरीले बरामद गरेको हो । जिल्लाको सरावल गाउँपालिका-७ मधवलिया दशगजा क्षेत्रमा अटोमा लोड गरेर क्वारेन्टाइन जाँच नगराएको अवस्थामा १८ वटा खसीबोका नियन्त्रणमा लिएको प्रहरीले जनाएको छ ।
५ लाख ६५ हजार बराबारको पशुचौपाया र अटो बरामद गरेर भन्सार कार्यालय महेषपुर पठाइएको जिल्ला प्रहरी कार्यालयका डिएसपी रेशम बोहोराले बताए । यसैगरी पाल्हिनन्दन गाउँपालिका -३ बेलासपुरमा भारतबाट भन्सार छली गरेर ल्याउँदै गरेको १ लाख २३ हजार बराबरको कपडा बरामद गरेर भन्सार कार्यालय बुझाएको प्रहरीले जनाएको छ ।
प्रहरीले बिहीबार भरतीय सीमावर्ती नाका क्षेत्रबाट ७ सात बराबरको लत्ता कपडा र घरायासी सामान बरामद गरेको थियो ।
कमेन्ट गर्नुहोस्