अध्यक्ष माधव मरासिनी खुले डा अर्जुन बन्जाडेको पक्ष

अध्यक्ष मरासिनीले सोमबार सामाजिक सञ्जालमार्फत गैर आवासिय नेपाली संघ राष्ट्रीय समन्वय परिषद् अमेरिकाको चुनाबी दौडमा नयाँ अध्यक्ष पदमा बन्जाडे उभिएको र उनलाई भारी बहुमतले जिताउनु पर्ने बताउनु भएको छ । 

आफु लामो समय देखि आलोचनात्मक चेत र बैज्ञानिक दृष्टिकोणसहित सामाजिक आन्दोलनमा क्रियाशील रहेको उल्लेख गर्दै उहाँले राम्रो अध्यक्ष चाहिएको हो भने बन्जाडेलाई जिताउनुको विकल्प नरहेको दाबी गर्नुभएको छ । 

बन्जाडे पढाई, चरित्र, सरलपन, पारदर्सी, चुनाबमा कम पैसा खर्च गर्ने, सक्कल लोकतन्त्रवादी भएको भएको दाबी गर्दै अध्यक्ष मरासिनीले यदि विचार को पक्षधरता हो भने बन्जाडे जत्तिको सक्कली लोकतन्त्रबादी र यदि भिजन भएको अध्यक्ष चाहिएको हो भने उहाँ जत्तिको भिजन भएको अरु कोहि छ ? भन्दै प्रश्न समेत गर्नु भएको छ । 

बन्जाडे सबै कुरामा अब्बल हुनुको साथै गैर आवासिय नेपाली संघ राष्ट्रीय समन्वय परिषद् अमेरिकालाई नयाँ भिजन, मिसन , गति र समानतासहित अगाडी बढाउने भएकाले यस पटक गैर आवासिय नेपाली संघ राष्ट्रीय समन्वय परिषद् अमेरिकाको अध्यक्षमा उनको बिकल्प कोही हुन नसक्ने अध्यक्ष मरासिनीको भनाई रहेको छ ।