लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी । बैशाख ९ गते । लायन्स क्लव इन्टरनेशनल डिष्ट्रिक ३२५ पि नेपालको डिष्ट्रिक गभर्नरमा अर्जुनमान सैंजूले उम्मेदवारी दिएका छन् । सेकेन्ड भाईस डिष्ट्रिक गभर्नर समेत रहेका सैंजूले लायन्स क्लव इन्टरनेशनल डिष्ट्रिक ३२५ पि नेपालको दोस्रो गभर्नरको लागि उम्मेद्वारी दिएका हुन् । लायन्स क्लव इन्टरनेशनल डिष्ट्रिक ३२५ पि नेपालको यहि बैशाख १६ गते रुपन्देहीको भैरहवामा महाधिवेशन हुदैछ । त्यस्तै फस्ट भाईस भिष्ट्रिक गभर्नरमा पुरुषोत्तमभक्त प्रधानाङ्ग र सेकेन्ड भाईस डिष्ट्रिक गभर्नरमा कुशप्रसाद मल्लीले उम्मेद्वारी दिएका छन् । प्रधानाङ्ग हाल सेकेन्ड भाईस डिष्ट्रिक गभर्नर रहेका छन् । डिष्ट्रिक गभर्नर नवराज न्यौपाने, पूर्व गभर्नरहरु महेन्द्रनारायण श्रेष्ठ, अरुणप्रताप राणा, सुनिल वझा, अनुप पहाडी समेतको रोहवरमा शुक्रबार बुटवलमा आयोजना गरिएको कार्यक्रममा तीनै जनाले संयुक्त रुपमा उम्मेदवारी दिएका हुन् । उम्मेद्वारी दर्ता गराउँदै तीनै जना उम्मेदवारले सत प्रतिशत एस भोटको लागि आग्रह गरे ।
कमेन्ट गर्नुहोस्