लुम्बिनी फ्रिडम मिडिया प्रा.लि द्वारा संचालित
तिलोत्तमा सिटी,१६ साउन २०७८,शनिबार। नवनियुक्त लुम्बिनी प्रदेश प्रमुख अमिक शेरचनले पदभार ग्रहण गरेका छन् । शेरचन लुम्बिनीका तेस्रो प्रदेश प्रमुख हुन् । गत मंगलबारको मन्त्रिपरिषद् बैठकले लुम्बिनी प्रदेश प्रमुखमा धर्मनाथ यादवलाई हटाएर शेरचनलाई नियुक्त गर्ने निर्णय गरेको थियो ।सरकारले आवश्यक ठानेर मलाई नियुक्ति गरेकोले त्यो जिम्मेवारीबाट टाढा नहुने र विकासमा अग्रणी भएरै काम गर्ने शेरचनले बताए ।
प्रदेश प्रमुख शेरचनले भने, ‘म कुनै दलको कार्यकर्ता भएपनि विकासकालागि सबै दल सँग सहकार्य गरेर अगाडि बढ्नेछु ।’ ०७४ साल माघ ७ गते लुम्बिनी प्रदेशको पहिलो प्रदेश प्रमुखको रूपमा उमाकान्त झालाई नेपाली कांग्रेस नेतृत्वको सरकारले नियुक्त गरेको थियो । केपी ओली नेतृत्वको सरकार आएपछि झालाई पदमुक्त गरी यादवलाई नियुक्त गरेको थियो ।
कमेन्ट गर्नुहोस्