लुम्बिनी फ्रिडम मिडिया प्रा.लि द्वारा संचालित
कोटिहवा। पशुपति मावि तिलोत्तमा १५ कोटिहवा रुपन्देहीमा अध्ययनरत छात्राहरुले देशब्यापी रुपमा आयोजित विद्यालयस्तरिय खेलकुद प्रतियोगितामा स्वर्ण पदक जित्न सफल भएका छन । राष्ट्रिय खेलकुद परिषद्, त्रिपुरेश्वर, काठमाण्डौंको आयोजना तथा नेपालय इन्टरनेशनलको सह आयोजनामा आयोजित यु १४ बर्ष मुनिको एथलेटिक्स विधामा चाँदनी पासी, करिष्मा सिंजाली, अनुष्का थारु र अस्मिता चौधरीले स्वर्ण पदक जितेर तिलोत्तमा कै गौरव बढाएको विद्यालयका प्राचार्य बिएन भट्राईले जानकारी दिनुभयो।
जेठ २५ र २६ गरि २ दिनसम्म आयोजना गरिएको प्रतियोगितामा देशभरिका प्रतिस्प्रर्धीहरुलाई पछि पादै चाँदनीले एकल ८०० मीटर दौडतर्फ स्वर्ण जितिन भने उनै चाँदनी, करिष्मा, अनुष्का र अस्मिताको समुहले रिले ४ सय मीटर दौडतर्फ पनि स्वर्ण जित्दै किर्तिमान कायम राख्न सफल भएका प्राचार्य भट्राईले बताउनुभयो । वहाँले यो जित पशुपति माविको मात्र नभई सिँगो तिलोत्तमा कै जित भएको बताउदै विद्यार्थीहरुलाई खेलकुद लगायतका विधामा उत्कृष्ट प्लेटफर्म प्रदान गर्न विद्यँलयले कुनै कसर बाँकी नराखेको पनि बताउनुभयो । साथै विद्यार्थीहरुको सम्मानमा विद्यालयले मंगलबार विजयी जुलुशको आयोजना गरि नगर परिक्रमा गरेको पशुपति माविले जनाएको छ ।
कमेन्ट गर्नुहोस्