‘वसन्त’को देशब्यापी शो १८७, बुकिङ्ग धमाधम, हलमा दबदबा

बुटवल। प्रतिक्षित फिल्म बसन्त यसकारण पनि रोजाईमा पर्यो, प्रकाश सपुत र स्वस्तिमाको जोडीलाई दर्शकले ठुलो पर्दामा हेर्न चाहेका थिए।कडा अभिनय क्रियसन भएका सपुत र परिपक्क झलक ल्याउने स्वस्तिमाको अभिनयले जो कसैको मन सुरुक्कै तान्छ। त्यसो त बसन्तको डाइलग अनि ट्रेलरले दर्शकलाई कति खेर फिल्महलमा गएर यो जोडीको सम्बाद हेरौ लागेको होला। खैर दर्शकको चाहना र इच्छ्यालाई फिल्मले अब कुराउने त पक्कै हैन २२ गतेदेखि सबै हलहलमा लाग्दैछ बसन्त। 

घरेलु बक्सअफिसमा ‘अञ्जिला’को दबदबाबीच शुक्रबारदेखि दुई नयाँ फिल्म हलमा रिलिज हुनेछन् । प्रकाश सपुत निर्देशित ‘वसन्त’ र हलिउडको ‘अ माइनक्राफ्ट मूभी’ प्रदर्शन हुनेछन् ।प्रदर्शनपूर्व हलले नयाँ २ र प्रदर्शनरत ‘अञ्जिला’, ‘सिकन्दर’, ‘स्नो ह्वाइट’, ‘आउट ल’, ‘लाज शरणम्’ र ‘होस्टेल ३’ बक्सअफिस प्रस्तुति अनुसारका शो उपलब्ध गराएका छन् । देशभर १६५ हल संचालनमा छन् ।बिहीबार दिउँसोसम्मको विवरणअनुसार शुक्रबारको लागि ‘वसन्त’ले देशब्यापी १८७ शो प्राप्त गरेको छ । सलमान खान स्टारर ‘सिकन्दर’ले १२१, ‘अञ्जिला’ले ८६ र नयाँ फिल्म ‘अ माइनक्राफ्ट मूभी’ले ४० शो पाएका छन् ।

नयाँ र चल्दै गरेका फिल्मको कारण ‘वसन्त’ले शो बाँड्नुपर्नेछ, जसको प्रभाव यसको ओपनिङमा देखिनेछ । फिल्मले पाएको शो संख्या सुखद हो । शो संख्याअनुसार ‘वसन्त’ले पहिलो दिन देशब्यापी १ करोड ग्रसको ओपनिङ गर्नुपर्ने हुन्छ ।शो संख्याभन्दा अकुपेन्सी महत्वपूर्ण हो । बिहीबार रातीसम्म फिल्मको एड्भान्स टिकट बिक्री सम्मानजनक छ। अर्कोतर्फ, ‘अञ्जिला’को लहर पनि जारी छ । मिलन चाम्स निर्देशित यो सप्ताहन्त पनि सुुखद कमाइ गर्ने निश्चित छ । यस्तोमा, यो सप्ताहन्तको बक्सअफिस पर्फमेन्स धेरै कुरामा निर्भर हुनेछ ।