तिनाउमा दिनदहाडै चोरी निकासी,तिलोत्तमा नगरप्रहरीले भेट्यो डम्पिङ्ग बालुवा

तिनाउ नदिको किनारमा बालुवा डम्पिङ्ग गर्ने गिरोहलाई भेट्न नसकेपनी बालुवा भने भेटिएको छ। केहि दिन अगाडीबाट चोरेको खबर आइरहदा हाम्रो टोलिले समेत देखेको र प्रहरीलाई खबर गर्दा समेत खासै चासो नराखेको बखत सोही बालुवा नगर प्रहरी तिलोत्तमाले भेट्टाएको छ। कति चोरे ? कति लगे ? त्यसको लेखाजोखा त छैन, तर लैजान नसकेर हो या लैजाँदा-लैजाँदै हो... या अब पुग्यो....भनेर छोडेर गएर हो... त्यसपछिको डम्पिङ्ग गरेको बालुवा नगरपालिकाका वडा अध्यक्ष सहितको नगर प्रहरी टोलिले फेला पारेको छ। 

तिलोत्तमा नगरपालिका वडा नं. ६ पश्चिमपहुनी स्थित तिनाउ नदीबाट रातको समयमा अवैध नदिजन्य पदार्थ चोरी निकासी गरी डम्पिङ गरेको अवस्थामा ६२ सय घनफुट अवैध नदिजन्य पदार्थ ( बालुवा ) फेला परेको हो। अहिले सो बालुवा वडा अध्यक्ष गणेश पाठक, बाँसघारी टोल बिकासका अध्यक्ष, नेपाल प्रहरी र नगर प्रहरीहरूको उपस्थितीमा सो बालुवा जफत गरी तिलोत्तमा नगरपालिकाको कार्यालय परिसरमा ल्याई राखिएको छ। त्यसो त केहि दिन अगाडी बालुवा चोरीराखेको अवस्थामा ट्याक्टर समातेर ल्याइएको भएपनी हालसम्म जरिवानाको डरले सो ट्याक्टर लिन समेत आएका छैनन।