एक्सन र ईमोशन लभरहरुको रोजाईमा १२ गाउँ,असोज २४ मा देशभर

तिलोत्तमा,२०८१ असोज १५ गते। असोज २४ गते रिलिज हुने सिनेमा ‘१२ गाउँ’को ट्रेलर सार्वजनिक भएको छ । ट्रेलरमा विराज भट्ट र समीर भट्टको एक्सनपूर्ण सिन सङ्गै लभ रोमान्सलाई पनि प्राथमिकता दिईएको छ ।‘१२ गाउँ’ विराज भट्टको दोस्रो निर्देशकिय सिनेमा हो । समीरसँगै दुई अभिनेत्री पूर्वमिस नेपाल इन्टरनेशनल न्यान्सी खड्का र मोडल सनिशा भट्टराईले यो सिनेमाबाट डेव्यु गरेका छन् । 

विराज, समीर, न्यान्सी र सनिशासँगै मुरलीधर, कनिज कोइराला, नरेन खड्का, दीया मास्के, कृष्ण भट्ट, सोनु चन्द्रपाल, कालु राना, अर्जुन जंग शाही, भिष्म जोशी, शुलेमान शंकर (इकु), तारा शर्मा, किशोर भट्ट, सन्तोष सरकार र स्टन्ट शिल्भाले सिनेमामा अभिनय रहनेछ ।विराज भट्ट फिल्म पोडक्सन प्रस्तुतिमा निर्माण भएको सिनेमामा अर्जुन पोखरेल र निरजको संगीत, रामजी लामिछाने, सुनिल क्षेत्री र कविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन रहनेछ । सिनेमामा विराज स्वंयमको कथा र सन्तोष सरकारको पटकथा तथा संवाद लेखन रहेको छ ।

एक्सन–थ्रिलर कथामा निर्माण भएको सिनेमाका लागि विराजले भारतबाट द्वन्द्व निर्देशक ल्याएका हुन् । तमिल तथा कन्नड सिनेमाका द्वन्द्व निर्देशक स्टन्ट सिल्भालाई नेपाली सिनेमा सफल द्वन्द्व निर्देशनमा शंकर महर्जनले सघाएका छन् ।महेश पौडेल छायांकन रहेको सिनेमाको काठमाडौं, ललितपुर, विरगञ्ज र हेटौंडामा छायांकन गरिएको हो । सिनेमाको वितरण काफिया फिल्मस र कुवेर सिने डिष्ट्रिव्युसनले गर्नेछ ।