टंकले फिल्म ‘मन बिनाको धन ठूलो कि धन बिनाको मन’ बनाउने

तिलोत्तमा,२०८१ असोज १४ गते। गायक तथा संगीतकार टंक बुढाथोकीले आफ्नो चर्चित गीत ‘मन बिनाको धन ठूलो कि धन बिनाको मन’ शीर्षकमा फिल्म निर्माण गर्ने भएक छन् ।बुढाथोकीले आइतबार चलचित्र विकास बोर्डबाट फिल्म निर्माणको इजाजत लिएका छन् ।फिल्मलाई बुढाथोकीले नै निर्माण तथा निर्देशन गर्ने प्रेषित विवरणमा उल्लेख छ । लक्ष्मी गिरी कार्यकारी निर्माता रहने यो फिल्ममा विनय अधिकारी सहनिर्माता हुनेछन् ।

सामाजिक कथामा बन्ने फिल्मबाट बालगायक अशोक दर्जी र एआर बुढाथोकीलाई डेब्यु गर्दैछन् । रमेश बिकको पनि डेब्यु हुँदैछ । निर्देशक बुढाथोकीले बिकलाई अनुबन्धित गरेको जनाकारी दिए । पटकथा एवं संवाद शिवम अधिकारीले लेखेका छन् ।तिहारपछि छायांकन थालिने यो फिल्मका लागि महिला कलाकार फाइनल गर्ने तयारी छ ।बुढाथोकीले आफ्नो संगीतमा ६ वर्षअघि गीत ‘मनबिनाको धन ठूलो कि’ सार्वजनिक गरेका थिए । यो गीतलाई अहिलेसम्म युट्युवमा २ करोड ९० लाख पटक हेरिएको छ ।उक्त गीतबाट अशोक दर्जी एकाएक चर्चामा आएका थिए ।