रुपन्देहीकै प्रतिष्ठित लिस्नु कप शुरु, उद्घाटन खेलमा समपुर्ण सुपौली बिजयी

तिलोत्तमा,भाद्र २२ गते २०८१। यस क्षेत्रमै ख्याति कमाएको रुपन्देहीकै प्रतिष्ठित फुटबल प्रतियोगिताको २२ औं संस्करण लिस्नु कप  शुरु भएको छ। लिस्नु कपको २२ औं संस्करण रुपन्देहीको तिलोत्तमा-१५ कोटिहवामा दिउसो ४ बजे एक औपचारिक कार्यक्रमका बीच सुरु भएको हो। उद्घाटन खेलमा समपुर्ण एफ सी सुपौली र देवदह ब्वाईज देवदह बीचको रोमाञ्चक प्रतिष्पर्धा भएको सचिब मनोज कुमार क्षेत्रीले बताए। 

उद्घाट्न खेलको औपचारिक समुद्घाटन क्षेत्र नम्बर १ का माननीय संघिय साम्सद छबिलाल बिश्वकर्माले गर्नुभएको हो। उद्घाटन कार्यक्रममा बोल्दै माननीय साम्सद विश्वकर्माले खेल जगतमा ईतिहास रचेको लिस्नु कप संगै रुपन्देहीको फुटबल र अन्य खेल क्षेत्रको समग्र बिकासमा आफु सधै प्रतिबद्ध रहेको बताउनुभएको छ। उहाँले जस्तो सुकै परिस्थितिमा पनि युवाहरुले समाजलाई एकीकृत गर्न र खेल जगतबाट स्वास्थ्य र रास्ट्रका निम्ती ठुलो योगदान गरेको समेत बताउनुभयो। 

क्लबका अध्यक्ष तिर्थराज मल्लको अध्यक्षतामा भएको उद्घाटन खेलमा समपूर्ण एफ सी सुपौलीले देवदह ब्वाईजलाई ० का बिरुद्ध ५ गोलको अन्तरले पछाडी पार्दै बिजयी भएको हो। सुपौलिको तर्फबाट खेलको १४ मिनेटमा जर्सी नम्बर ७ का सृजन राज गौतमले खाता ओपनिङ्ग गर्नुभयो भने उहाँले खेलको ५३ मिनेट र ५९ मिनेटमा पुन: २ गोल गरि खेलमा ह्याट्रिक समेत गर्नुभयो। त्यस्तै सुपौलिको तर्फबाटै जर्सी नम्बर ९ का पूर्ण बहादुर गुरुङले खेलको ३५ र ४६ मिनेटमा लगातार २ गोल गर्नुभएको थियो। लगातार गोलको बर्षात भए संगै देवदह ब्वाईज कैयौ कोसिस गरेपनी ० मै सिमित भयो। खेलमा म्यान अफ द म्याच सुपौलिको तर्फबाट जर्सी नम्बर ७ का सृजन राज गौतम बन्दै नगद रु ८ हजार संगै बिशेष गिफ्ट ह्यामप्र समेत प्राप्त गर्नुभयो। आइतबारको खेल सञ्जिविनी युवा क्लब, देवीनगर विरुद्ध नवलपरासी ११, नवलपरासी बीच हुने आयोजकले जनाएको छ l

३ लाख २५ हजार रुपैयाँ राशीको फुटबल प्रतियागिता कोटिहवा स्थित पशुपति माध्यामिक बिद्यालयको खेल मैदानमा सञ्चालन भैरहेको छ। प्रतियोगिता भदौ २२ गते देखि असोज ३ गतेसम्म सञ्चालन हुने जानकारी दिएको छ ।प्रतियोगितामा यस पटक लुम्बिनी प्रदेशका रुपन्देही, नवलपरासी, कपिलपस्तु, पाल्पा र गण्डकी प्रदेशको स्याङजा जिल्ला गरि १२ टोलीको सहभागिता रहने लिस्नु क्लबका अध्यक्ष तिर्थ राज मल्लले जानकारी दिनुभयो।लिस्नु कपलाई स्थानियले एक पर्वको रुपमा मनाउने गर्दछन , स्थानिय जनसहभागिता संगै महिला सहभागिता पनि खेल हेर्नका लागि बढ्दो छ।