तिलोत्तमा,२०८० चैत्र १४ गते। बिगत १८ बर्षदेखि रुपन्देही प्रहरीको खोजी सूचीमा रहेका एक ब्याक्ति पक्राउ परेका छन् । १८ वर्ष अघि छिमेकीको गोली हानी हत्या गरी फरार रहेका तिलोत्तमा नगरपालिका निवासी रामपृत मल्लाहलाई सुनौली नाकाबाट पक्राउ गरेको रुपन्देही प्रहरीले जनाएको छ ।यादवमाथि सोही ठाँउका जङ्गबहादुर यादवको २०६२ पुस २५ गते भएको गोली हानी हत्या गरेको आरोप छ ।
रुपन्देहीका प्रहरी प्रमुख एसपी रञ्जित सिंह राठौरले मल्लाहलाई भारतको सुनौली नाकाबाट नेपाल आउँदै गर्दा सिद्धार्थनगर नगरपालिका १ बेलहियाबाट पक्राउ गरेको बताउनुभयो ।यादवको हत्यापछि पीडित पक्षले मल्लाहविरुद्ध प्रहरीमा किटानी जाहेरी दिएपछि अभियुक्त फरार भएका थिए । उहाँमाथि अदालतद्वारा पक्राउ पुर्जीसमेत जारी भएको थियो ।गाउँकै सार्वजनिक जग्गामा मल्लाहले घर टहरा बनाएको र त्यस ठाउँमा मन्दिर बनाउने विषयमा विवाद हुँदा गोली प्रहार गरी फरार रहेको रुपन्देही प्रहरी प्रवक्ता डिएसपी मनोहर प्रसाद भट्टले बताउनुभयो ।
कमेन्ट गर्नुहोस्