तिलोत्तमा सिटी २०८० फागुन ९ गते । रुपन्देही तिलोत्तमा नगरपालिकास्थित करौजिया खेलमैदानमा आजदेखि छैठौ न्यु सृजना कप फुटबल प्रतियोगिता सुरु भएको छ । आजको उद्घाटन खेल सिद्धार्थ क्लब चपरहट्टी र शुद्धोदन गाउँपालिका बिच भएको थियो । उक्त खेलमा पुरा समयमा कुनै पनि टिमबाट गोल हुन नसकेका कारण खेल टाइब्रेकरमा गएको थियो जसमा सिद्धार्थले २ र शुद्धोदनले ४ गोल गरी शुद्धोदनले जित हात पार्न सफल भयो । उक्त खेलको म्यान अफ द म्याच शुद्धोदनका सौरभ गिरी भए साथै भोलिको खेल झरना स्पोस्ट क्लब, कुञ्जलापुर र सञ्जिवनी युवा क्लब ,बाघधुरा बिच हुने छ ।
खेल मानिसको जिवनको अपरिहार्य चिज रहेको र खेलले मानिसलाइ स्वस्थ्य रहन सहयोग गर्ने साथै खेलको माध्यमबाट स्थानिय स्तरका खेलाडी उत्पादन हुने उद्घाटन समारोहका प्रमुख अतिथि तिलोत्तमा नगरपालिका नगर उपप्रमुख जागेश्वर देवि चौधरीले बताउनुभयो । खेलकुदले मानिसलाइ सक्रिय बनाउने र खेलकुद मार्फत आपसी चिनजान,भाइचारा र स्वास्थ्य र रास्ट्रका लागि योगदान दिने कार्यक्रमका अतिथि तिलोत्तमा वार्ड नं १३ वडा अध्यक्ष नारायण ढकालले बताउनुभयो ।
स्व: खगी गुरुङसेनीको स्मृतिमा श्रीमान् क्याप्टेन नरजंग गुरुङको मुख्य प्रायोजन तथा तिलोत्तमा नगरपालिकाको सहयोगमा सम्पन्न हुन लागेको हो । उक्त प्रतियोगिताका बिजेताले नगद १ लाख १६ हजार सहित शिल्ड मेडल र प्रमाणपत्र पाउनेछ भने उपविजेता हुने टोलीले नगद रु ६० हजार नगद सहित शिल्ड मेडल र प्रमाणपत्र पाउने आयोजक संस्थाका बरिष्ठ सल्लाहकार धन बहादुर चौधरीले जानकारी दिए ।
कमेन्ट गर्नुहोस्