चौथो न्यु राइज नकआउट फुटबल : आयोजक न्यु राईज र डि युनिटी सेमिफ़ाइनल प्रवेश

तिलोत्तमा,२०८० माघ ३ गते ।  न्यु राइज युथ क्लब तिलोत्तमा-१३ बभनीमा जारी न्यु राइज कप पुरुष फुटबल प्रतियोगिताको चौथो संस्करणको आज सम्पन्न २ खेलमा न्यु राईज युथ क्लब र डि युनिटी  बिजयी भएका छन । आज सम्पन्न पहिलो आयोजक भर्सेस न्यु सृजना एफसी बिचको निर्धारित समयको खेलमा १ का बिरुद्ध ३ गोल गर्दै आयोजक बिजयी भएको थियो। राम्रो खेल प्रदर्शन गरेका आयोजक क्लबका अनुप बुढा खेलमा म्यान अफ द म्याच समेत घोषित भए। 

त्यस्तै आज आयोजित दोस्रो खेलमा डि युनिटी र संजीवनी एफ सी बिचको गोलरहित बराबरी भएपछी खेल ट्राईब्रेकरमा गएको थियो । ट्राईब्रेकरमा डि युनिटीले संजीवनीलाई पाखा लगाई सेमीफ़ाइनल प्रवेश गरेको छ। कडा प्रतिस्पर्धा रहेको दोस्रो खेलको म्यान अफ द म्याच डियुनिटीका विशाल चोबे भए ।

१६ टिम  सहभागी भएको प्रतियोगिता माघ ६ गतेसम्म चल्ने क्लबका सचिव कृष्ण खनालले बताए। प्रतियोगिता तिलोत्तमा नगरपालिका वडा नम्बर १३ स्थित् बभनी भुतपुर्व सैनिक आधारभुत बिद्यालयको खेल मैदानमा भैरहेको छ। प्रतियोगितामा बिजेताले ७५ हजार पाउने छन् भने उपविजेताले ४४ हजार प्राप्त गर्ने छन्।  विधागत रुपमा उत्कृस्ट खेलाडीलाई समेत नगद सहित ट्रफी प्रदान गरिने क्लबका अध्यक्ष बिष्णु पराजुलीले बताए। भोलीको खेल आयोजक न्यु राइज युथ क्लब भर्सेस नवयुवा सॉस्कृतिक ठुटीपिपलबीच हुने सचिव कृष्ण खनालले बताए।

सो प्रतियोगिताको मुख्य प्रायोजकका स्व: रन बहादुर भण्डारीको स्मृतिमा श्रीमती चमेली भण्डारी, छोराबुहारी बिकास र अञ्जना छोरीहरु शिवकुमारी , कल्पना र फुलमाया रहेका छन् भने सह प्रायोजकका रुपमा भण्डारी ब्रदर्श रहेका छन्।