प्रदेश उद्योगमन्त्री सरोज थापा (रोज राणा)ले भने अब भाषण गर्ने दिन गए

तिलोत्तमा पुष १४। नेपाली मौलिक कला, संस्कृति तथा खानपानका परिकार हाम्रो शान, आन्तरिक पर्यटन प्रवद्घर्न, विकास र रोजगारीको सृजना हाम्रो अभियान नारासहित बुटवलमा पाँचौ सडक खाना महोत्सव २०८० शुरु भएको छ ।एक समारोहका बिच प्रतिनिधि सभा सदस्य बासुदेव घिमिरेले शनिबार उद्घाटन गर्दै खाना महोत्सवको ईतिहास धेरै पुरानो भएको बताए । मानव विकासको क्रमसंगै करीब १० हजार वर्षअघि ग्रिसबाट शुरु भएको ईतिहास रहेको उनले बताए ।

सो कार्यक्रममा प्रदेश उद्योगमन्त्री रोज राणाले भाषण गर्ने कार्यक्रम सही नभएको बताए । २४ घण्टा ब्यवसाय गर्न देखिने समस्याबारेमा टेबलमा बसेर छलफल गर्न तयार रहेको उनले बताए । टेबलमा बसेर नीति निर्माणमा अघि बढ्नुपर्ने सुझाव दिदै नेताको भाषणबाट जनताहरु रुष्ट भैसकेको उनले बताए । एक औपचारिक कार्यक्रममा बोल्दै उनले हरेक बिषय जस्तै उद्योगमा भएका समस्याका बिषयमा भएका कमि कमजोरीलाई एक एक गर्दै समाधान गर्ने समेत बताए। अब भाषण नभई काम गर्ने समय भएको उनले बताए । आफू आश्वासन बाँड्ने नभई काम गर्न तयार रहेको उनले बताए । देशमा भित्रिने पर्यटनलाई प्रशासनबाट सडक सडकमा दिईने हैरानी रोक्न आजको आवश्यकता भएको उनले बताए ।