लुम्बिनी फ्रिडम मिडिया प्रा.लि द्वारा संचालित
सानैदेखी बाध्यताले घेर्यो, कहिले रमाउन सकिन।
उमेर पुग्यो, वेला भयो र पनि अझै कमाउन सकिन।
एकाअर्कासंगै जिन्दगी कटाउने बाचा थियो हाम्रो
बाचा बाचा नै रह्यो, मैले उसलाई आफ्नो बनाउन सकिन।
मैले अनिदोको मतलब त्यो दिन बल्ल बुझें
जुन दिन म बिनाकारण रातभर निदाउन सकिन।
म त्यति कमजोर छु जस्तो त लाग्दैन थियो
कसैलाई पनि मैले आफ्नो विश्वास दिलाउन सकिन।
जिन्दगी त्यस्तो ठाँउमा गएर लापत्ता भयो कि
लाखौं कोसिस गर्दा पनि मैले जिन्दगी भेटाउन सकिन।
-कमल पंगेनी
तिलोत्तमा ७ रुपन्देही
कमेन्ट गर्नुहोस्