लुम्बिनीलाई फिल्म सिटीको रुपमा विकास गर्ने सञ्चारमन्त्रीको घोषणा

तिलोत्तमा,२०७९ चैत्र १८। शुक्रबारदेखि लुम्बिनीमा सुरु भएको तीनदिने ‘गौतम बुद्धको जीवनी र दर्शन संगत रहेर जीवनीमा चलचित्र निर्माण अन्तर्राष्ट्रिय बजार तथा पर्यटन प्रबर्द्धन’ कार्यशालाको उद्घाटन गर्दै मन्त्री शर्माले उक्त कुरा बताएकी हुन् । सञ्चार तथा सूचना प्रविधिमन्त्री रेखा शर्माले बुद्ध जन्मस्थान लुम्बिनीलाई फिल्म नगरीको रुपमा विकास गर्न पहल गर्ने बताएकी छन् । यसका लागि कार्ययोजना पेश गर्न चलचित्र विकास बोर्डलाई उनले निर्देशन समेत दिएकी छन् । शुक्रबारदेखि लुम्बिनीमा सुरु भएको तीनदिने ‘गौतम बुद्धको जीवनी र दर्शन संगत रहेर जीवनीमा चलचित्र निर्माण अन्तर्राष्ट्रिय बजार तथा पर्यटन प्रबर्द्धन’  कार्यशालाको उद्घाटन गर्दै मन्त्री शर्माले उक्त कुरा बताएकी हुन् ।

हालैको भारत भ्रमणमा आफूले दोलखाको चरिकोटमा निर्माणाधीन अन्तर्राष्ट्रिय फिल्मनगरीको निर्माणमा सघाउन भारतीय अधिकारीहरुलाई आग्रह गरेको उनले बताइन् । नेपाल फिल्म छायांकनको आकर्षक गन्तव्य थलो रहेको भन्दै उनले आफूले भारतीय सञ्चार सचिवलाई दोलखा फिल्म सिटी बनाउन सघाउन आग्रह गरेको बताइन् । सरकारले सातै प्रदेशमा फिल्म सिटी बनाउने योजना यसअघि नै बताइसकेको छ । नेपाल फिल्म छायांकनको आकर्षक गन्तव्य थलो रहेको भन्दै उनले आफूले भारतीय सञ्चार सचिवलाई दोलखा फिल्म सिटी बनाउन सघाउन आग्रह गरेको बताइन् । सरकारले सातै प्रदेशमा फिल्म सिटी बनाउने योजना यसअघि नै बताइसकेको छ । नेपाली फिल्म यतिबेला सन २०२६ को ऐनले चलिरहेको भन्दै समयसापेक्ष नियम ल्याउनुपर्ने र यसका लागि आफूले पहल गर्नुपर्ने उनले बताइन् । फिल्म निर्माणमा महिलाको सहभागिता वृद्धि गर्न महिला फिल्ममेकरलाई हौसला बढाउनुपर्ने उनको भनाइ छ । बुद्धबारे यथार्थपरक बायोपिक फिल्म बनाउनुपर्ने समेत उनको सुझाव छ । 

चलचित्र पत्रकार संघ रुपन्देहीको संयोजनमा भएको कार्यक्रममा चलचित्र विकास बोर्डका अध्यक्ष भुवन केसी, निर्देशक नीर शाह, अभिनेत्री बसुन्धरा भुसाल, बोर्ड सदस्यहरु रवि अधिकारी र केएल पीडित,नेपाल चलचित्र पत्रकार संघका अध्यक्ष समिर बलामी, जिल्ला अध्यक्ष मोहन न्यौपाने,जिल्लाका अध्यक्ष तथा प्रतिनिधि सहित दर्जनौं फिल्मकर्मी सहभागी छन् । चन्द्रसूर्य सिनेमाले आयोजना तथा चलचित्र पत्रकार संघ रुपन्देहीको संयोजनमा भएको गोष्ठीको उद्देश्य नेपाली फिल्मको निर्माण शैलीबारे छलफल र अभिमुखीकरण रहेको आयोजक संस्थाका किसान पोखरेलले जनाए । कार्यशाला १९ गते सम्म चल्ने र कार्यशालामा लेखक राजेन्द्र सलभ, प्रकाश सायमी, बसुन्धरा भुसाल, सुनिल थापा,  बिक्रम भक्त जोशी, जनकदिप लगायतले सहजीकरण गर्ने कार्यक्रम रहेको छ।