तिलोत्तमा नगरसभापतिमा बिकाशप्रेमी नेता नारायण न्यौपानेको उम्मेदवारी

तिलोत्तमा सिटी, २५ भदौ २०७८। नेपाली कांग्रेसको १४ औं महाधिवेशन अन्तर्गत वडा तहको अधिवेशन सकिएलगत्तै पालिकाको निर्वाचनको सरगर्मी बढेको छ । कांग्रेसको पालिकाको निर्वाचनको लागि रुपन्देहीको तिलोत्तमा नगर सभापतिको लागि नारायण न्यौपानेले उम्मेद्वारी घोषणा गरेका छन् । यस्तै उप-सभापतिमा अशोक कुमार क्षेत्री र मधुसुदन गैरे, सचिवमा प्रकाश गैरे र शोभा राना मगर, सहसचिवमा दिनेश कुँवर थारु र केशरी उपाध्यायले पनि उम्मेद्वारी घोषणा गरेका हुन् ।

शुक्रबार आयोजित पत्रकार सम्मेलनमा सभापतिका उम्मेद्वार न्यौपानेले आफूले संगठनलाई चलयामान बनाउन उम्मेद्वारी घोषणा गरेको बताए। उनले पार्टी भित्रको गुटबन्दीलाई अन्त्य गरि संगठनलाई अनुशासित रुपमा चलायमान बनाउने प्रतिबद्धता व्यक्त गरे । न्यौपानेले अग्रजलाई सम्मान र भातृ संगठनहरुलाई प्रोत्साहन गर्ने विश्वास व्यक्त गरे । उनले आफूहरु कुनै गुट–उपगुट नभई साझा उम्मेद्वारी दिएको बताए ।

तिलोत्तमा नगरको स्थानिय चुनावमा समेत राम्रो मत ल्याएर वार्ड अध्यक्षमा जितेका न्यौपानेले वडा नम्बर ९ मा मात्रै ५० करोड भन्दा बढी बजेट केन्द्रिय स्तरबाट नगरमा भित्र्याएको दाबि गर्छन।  तिलोत्तमा नगरमा सधै उत्कृस्ट वडामा आउन सफल बनाउन आफु मात्रै नभएर सबै नगरबासी तथा कांग्रेस र शुभचिन्तकको सहयोग रहेको उनको जिकिर छ। नमुना वडा बनाएजस्तै सम्पूर्ण नगरलाई कांग्रेसमय बनाउन आफु लागिपरेको बताउदै आफु निर्बाचित भएपछी कांग्रेसजनको शिर उचो बनाउने काम गर्ने उनको भनाइ छ।