उपत्यका बाहीरको पहिलो रेडियो,रेडियो लुम्बिनीको २२औं स्थापना दिवस

तिलोत्तमा,२०७७ माघ २७। लुम्बिनी सूचना तथा सञ्चार सहकारी संस्था लिमिटेड रेडियो लुम्बिनीकौ आज २२औं स्थापना दिवस । विक्रम संवत २०५६ साल माघ २७ गते वसन्त पञ्चमी अर्थात आजैका दिन उपत्यका बाहिर पहिलो पटक आवाज प्रशारण गरेको दिन , सहकारी सस्था द्धारा सन्चालीत दक्षीण यसीयामा पहिलो सामुदायिक रेडियोको रुपमा शान्तिको आवाज पहिलो अवाज हाम्रो क्षितिजमा फैलिएको दिन पनी आजै ।

स्थापना कालदेखि नै सामाजिक रुपान्तरणका लागि क्रियाशील रेडियो लुम्बिनीले विभिन्न भाषभाषी क्षेत्र वर्ग र समुदायमा पछाडि पारिएका वर्गको आवाज बुलन्द गर्दै उनीहरुको पहुच स्थापनाका लागि विभिन्न कार्यक्रम ,समाचार मार्फत पैरवी गर्दै आएको छ। रेडियोले सुशासन र पारदर्शीताका लागि आवाज उठाउँदै आम नागरिकका चासो र जन जिविकाको बिषयलाइ सम्बोधन गर्दै आएको छ ।

यसैबीच लुम्बिनी सूचना तथा सञ्चार सहकारी संस्था लिमिटेड रेडियो लुम्बिनीको २२औं साधारणसभा तथा ११ औं अधिवेशन आज हुँदैछ । अधिवेशनको सम्पूर्ण तयारी पूरा भएको सस्थाका स्टेशन म्यानेजर कृष्ण केसीले जानकारी दिनु भयो । साधारणसभा तथा अधिवेशन बिहान ११ बजे तिलोत्तमा ५ ड्रिमल्याण्ड गोल्ड रिसोर्टमा लुम्बिनी प्रदेश सरकारका उद्योग पर्यटन वन तथा वातावरणमन्त्री लिला गिरीले उद्घाटन गर्ने कार्यक्रम रहेको छ । साधारण सभाको रेडियो लुम्बिनी र यसैवर्षबाट सुरु गरेको तिलोत्तमा टेलिभिजनबाट प्रत्यक्ष प्रसारण गरिने रेडियोका स्टेशन म्यानेजर कृष्ण केसीले जानकारी दिनु भयो ।