जनउत्थान साकोसको २० औँ निर्णय प्रमाणित साधारण सभा सम्पन्न

मणिग्राम। तिलोत्तमा नगरपालिका-१५, कोटिहवा स्थित् जनउत्थान बचत तथा ऋण सहकारी संस्थाको २०औं वार्षिक साधारणसभा शनिबार सम्पन्न भएको छ । संस्थाका अध्यक्ष गिरी प्रसाद पुनको अध्यक्षता र रुपन्देहीका प्रमुख जिल्ला अधिकारी डा. टोकराज पाण्डेको प्रमुख आतिथ्यतामा साधारणसभा सम्पन्न भएको हो ।

सेवा केन्द्र स्तरिय एकाइगत साधारणसभा सम्पन्न गरेको साकोसले आश्विन ११ गते प्रतिनिधिमूलक निर्णय प्रमाणित साधारण सभा सम्पन्न गरेको हो । समुदायमा आधारित जनउत्थान साकोसले पुन: एक्सेस ब्राण्ड प्राप्त गरी राष्ट्रिय तथा अन्तर्राष्ट्रिय सहकारीका सिद्धान्तहरुलाई आत्मसात गर्दै अघि बढेको र बचत तथा ऋणको माध्यमबाट सदस्यहरुको आर्थिक, सामाजिक तथा सांस्कृतिक रुपान्तरणको लागि काम गर्दै आएको छ ।

साकोसका अध्यक्ष गिरी प्रसाद पुनले सदस्यहरुलाई व्यवसायिक रुपमा सक्षम बनाउन र जनताको मन र बिश्वास जित्न जनउत्थान साकोसले निरन्तर उत्कृस्ट कार्य गरिरहेको बताउनुभयो । जनउत्थान साकोसले एशियाली ऋण महासंघको फोरम २०२४ बाट एक्सेस सिल्भर ब्राण्ड प्राप्त गर्न सफल भएको थियो । सदस्यलाई गर्भदेखि स्वर्गसम्मको लागि आवश्यक पर्ने बचतका प्रकारहरु सञ्चालनमा ल्याउने, सहकारी शिक्षा कार्यक्रम सञ्चालन गरी सहकारीको महत्वका वारेमा बुझाउने  समाजमा रहेका आफ्ना सदस्यहरुलाई वित्तीय साक्षरता कार्यक्रम सञ्चालन गर्ने उद्देश्यअनुरुप कार्यसम्पन्न गरेको साकोसका अध्यक्ष पुनले जानकारी गराए। त्यसैगरी साकोसले आफ्नो योजना अनुरुप यसबर्ष पनि सामाजिक उत्तरदायित्वका कार्यक्रमहरुमा विशेष जोड दिदै सम्मान तथा अक्षयकोषलाई अगाडी बढाएको छ।

साकोसकी उपाधय्क्ष सरु रानाले सभामा आउनुभएका सबै सदस्यहरुलाई स्वागत गर्दै समाजमा रहेर जनउत्थानले समजपयोगी कार्य गर्दै जनता र यसका सदस्यहरुको मन जितेको बताइन। संस्थाले सदस्य लक्षित विभिन्न कार्यक्रम सञ्चालन गरेको र त्यस कार्यक्रमबाट गत आर्थिक बर्षमा पनि धेरै सदस्य लाभान्वित भएको बताइन। संस्थाको तर्फबाट कोशाध्यक्ष निल प्रसाद पुनले आर्थिक बर्ष २०८१/८२ को आर्थिक प्रतिवेदन समेत प्रस्तुत गर्नुभएको थियो। सभामा प्रस्तुत गर्दै गत बर्षको मुनाफाबाट सदस्यलाई १० प्रतिशत लाभांश वितरण गरिने जानकारी गराए]' ।

साकोसले गत आ.व.को असार मसान्तसम्म  ४० हजार ६४३ जना सदस्यबाट करिव २८ करोड ४३ लाख ९५ हजार शेयर पुँजी संकलन गरेको छ । त्यसैगरी यस अवधिमा  बचत संकलन ३ अर्ब ४४ करोड ९९ लाख २५ हजार,  ऋण लगानी ३ अर्ब ४१ करोड ६४ लाख र शुद्ध बचत ११ करोड ७७ लाख रहेको छ । संस्थाले यस आर्थिक बर्षमा ४ अर्ब ३० करोड ८५ लाख कुल सम्पत्ति पुर्याएको छ । संस्थाको जगेडा कोषमा ४० करोड ४७ लाख रकम जम्मा भएको  छ । रुपन्देही जिल्लाभर कार्यक्षेत्र रहेको संस्थाले १० वटा सेवा केन्द्र मार्फत सदस्यलाई वित्तीय लगायतका अन्य सेवा प्रदान गर्दै आएको छ ।

कार्यक्रममा सस्थाको आगामी कार्यदिशाको बारेमा बोल्दै करिव २२ वटा प्रस्ताबहरु पारित गरिएको छ। संस्थाका प्रबन्ध निर्देशक रन बहादुर थापाले सदस्यहरुमाझ २२ प्रस्ताव छलफलको लागि पेश गर्दै सर्बसम्मतले पारित गरेका थिए। सो अवसरमा बोल्दै प्रमुख अतिथि प्रमुख जिल्ला अधिकारी पाण्डेयले जनउत्थान सहकारीले तिलोत्तमा रुपन्देहीको मात्रै नभएर देशकै नाम उचो गराएको बताएका छन्।उनले सहकारीको पंक्तिमा एउटा उदाहर दिन सक्ने सहकारी बनाएकोमा यसका संचालक कर्मचारी र सदस्यहरुलाई बधाई तथा धन्यबाद ज्ञापन गरेका थिए।कार्यक्रममा निवर्तमान अध्यक्ष  तथा नेफ्स्कुनका संचालक सदस्य ज्ञानु पौड्यालले सहकारी प्रतिको माया सद्वभाव र त्याग अनि समर्पणले जना उत्थानको यो आवस्था आएकोमा सबैलाई धन्यबाद दिईन। कार्यक्रमको संचालन सचिव अनुजु जैसी सुबेदीले गरेकी थिइन्।  

विभिन्न सम्मान गर्दै सदस्यको बिश्वास जित्दै जनउत्थान

आफ्नो साधारण सभाको अवसरमा जनउत्थान बचत तथा ऋण सहकारी संस्थाले सामाजिक कार्यलाई निरन्तरता दिएको छ।  भर्खरै विभिन्न स्थानमा प्रतिक्षालय को निर्माण सकाएको सहकारीले भर्खरै जेन जी आन्दोलन बाट क्षति भएका प्रहरी कार्यालयमा विभिन्न सामाग्री दिएर जनताको मन जितेको छ। त्यसो त सहकारीले बिद्यालय बिकास अक्षयकोश, युवा बिकास अक्षयकोश, आमा समूह, अभिनास अनाथ आश्रम, खुल्ला रक्तदान, नुवाकोट सरसफाई कार्यक्रम, उत्कृस्ट सहकारी पत्रकारिता पुरष्कार, आमा समूह टोल बिकास प्रोत्साहन, सेवा केन्द्र स्तरिय उत्कृस्ट पुरस्कार,भबितब्यबाट भएको क्षतिमा सहयोग, स्वास्थ्य शिविर, युवा क्लब सहयोग, छात्रवृत्ति बितरण लागयात्को काम गरेर समाजमा सदस्यहरुको मा जितेको छ।