लुम्बिनी फ्रिडम मिडिया प्रा.लि द्वारा संचालित
तिलोत्तमा। युरोपको सबैभन्दा व्यस्त बेलायतको हिथ्रो अन्तर्राष्ट्रिय विमानस्थलमा उडान अवतरण शुरू भएको छ । विमानस्थल नजिकैको एक विद्युत सबस्टेशनमा आगलागी भएसँगै हिजो उडान अवतरण बन्द भएको थियो ।विमानस्थल पूर्ण रुपमा सञ्चालनमा ल्याउने प्रयास भइरहेको विमानस्थल कार्यालयका अधिकारीलाई उद्धृत गरी बीबीसीले जनाएको छ ।
झण्डै २४ घण्टा विमानस्थल बन्द हुँदा यात्रुमा परेको मर्कामा विमानस्थलका मुख्य कार्यकारी थोमस वोल्डबायले माफी माग्नुभएको छ ।विमानस्थलमा आवश्यक बिजुलीको पूर्ण रुपमा आपूर्तिका लागि केही समय लाग्ने भएको छ । १५ वर्षमा पहिलोपल्ट हिजो हिथ्रो विमानस्थल पूर्ण रूपमा बन्द भएको हो ।यसअघि सन् २०१० मा ज्वालामुखी विस्फोटका कारण विमानस्थल बन्द गरिएको थियो । हिलिङडन शहरको हेसको सबस्टेशनमा आगो लागेका कारण बिजुलीको आपूर्ति रोकिएको थियो ।
कमेन्ट गर्नुहोस्