तिलोत्तमा परिसरमा वडास्तरीय भलिवल प्रतियोगिता शुरु, भोलि नै समापन

तिलोत्तमा,२०८० चैत्र १४ गते। रुपन्देहीको तिलोत्तमा नगरपालिका परिसरमा अन्तरवडा स्तरीय भलिवल प्रतियोगिता सुरु भएको छ । तिलोत्तमा नगरपालिकाको आयोजनामा भएको प्रतियोगिता भोलिसम्म चल्ने छ ।प्रतियोगिताको तिलोत्तमा नगरपालिका प्रमुख रामकृष्ण खाँण र उपप्रमुख जागेश्वरी चौधरीले बुधबार एक कार्यक्रमको उद्घाटन गरे । सो अवसरमा बोल्दै नगरप्रमुख खाँणले खेलकुदको विकासका लागि पनि नगरपालिकाले विशेष ध्यान दिएको बताए । 

साथै उनले राष्ट्रिय तथा अन्तर्राष्ट्रिय रुपमा चिनाउनका लागि खेलकुदको महत्वपूर्ण भूमिका हुने भएकाले भलिबल लगायतका सबै प्रकारको खेलाडीलाई हौसला प्रदान र आवश्यक सहयोग गर्ने बताए । साथै उपप्रमुख चौधरीले पनि नगरपालिकाले खेलाडी र खेल क्षेत्रको विकासका लागि सबैसँग हातेमाले गरेर अघि बढ्न तयार रहेको बताइन् ।

यस्तै नगर खेलकुद विकास संयोजक लोक पुनले तिलोत्तमा नगरपालिका १७ वडा मध्य ४ वटा वडाले प्रतियोगितामा सहभागिता नजनाएको बताए । पहिलो पटक प्रतियोगिता आयोजना गरिएकाले पनि १३ वटा वडाले मात्र आवश्यक तयारी पुरा गरि सहभागि हुन आएको बताउँदै आग्रामी वर्ष सबै वडाबाट सहभागिता रहने विश्वास व्यक्त गरे । प्रतियोगिता अन्तर्गत भोली दिउसो समापन हुने गरि दोस्रो चरणको खेल हुने  छ।