तिलोत्तमा, माघ २३ गते २०८०। रुपन्देहीको सिद्धार्थनगर नगरपालिका वडा नम्बर ६ की एक महिला विगत एक सातादेखि सम्पर्कबिहीन भएकी छन् । २८ वर्षिया सालिया खातुन गत माघ १४ देखि सम्पर्कबिहीन रहेको उनका पति सलमान सिद्दिकीले बताए ।सलमानले भने, ‘मेरो श्रीमती माघ १४ गते दिउँसो १२ बजे सिद्धार्थनगर नगरपालिका–६ स्थित माइती पुगेकी थिइन् ।
माइती पुगेको केही समयपछि आफूसँग रहेको झोला छोडेर उनी सम्पर्कबिहीन भएकी हुन् ।’ सालिया कुर्ता सलवार लगाएर घरबाट निस्किएको उनले जानकारी दिए । उनको खोजीका लागि परिवारले अपील गरेका छन् ।सालियालाई भेटाउनुहुने जोकोहीले नजिकैको प्रहरी कार्यालय वा मोबाइल नम्बर ९८२१३५४५५० मा सम्पर्क गर्न सलमानले आग्रह गरे । यो दम्पत्तिले सिद्धार्थनगर नगरपालिका–३ स्थित युनिभर्सल कलेज अफ मेडिकल साइन्सेज (युसीएमएस) नजिकै बिरयानी पसल सञ्चालन गर्दै आएका थिए ।
कमेन्ट गर्नुहोस्