सिद्धबाबा सुरुङ्ग मार्गका लागि टेण्डर आह्वान

बहुचर्चित तथा आलोचित सिद्धार्थ राजमार्ग अन्तर्गतको पाल्पाको सिद्धबाबा खण्ड कुहिरेभीरमा सुरुङ्ग निर्माण हुने भएको छ । सुरुङ निर्माणका लागि सडक विभागले बोलपत्र आह्वान गरेको छ । पहिरोका कारण निकै जोखिम उक्त क्षेत्रमा वर्षेनी धेरैले ज्यान गुमाउँदै आएका छन् । सुरुङ्ग बनाउन आइतबार बोलपत्र आह्वान भएको हो । ०७१ सालदेखि बजेट बिनियोजन भए पनि सुरुङ्ग बन्नेमा विश्वस्त आधार थिएन । बोलबपत्र आह्वानसँगै अव भने निर्माण प्रक्रिया अगाडि बढ्दैछ । अर्थमन्त्रालयले स्विकृति दिएको १० अर्ब १५ करोडको सीमाभित्र रहेर निर्माण गर्नका लागि टेण्डर आह्वान भएको हो । अर्थमन्त्री विष्णु पौडेलले आफू पहिलो पटक अर्थमन्त्री हुँदा सिद्धबाबामा सुरुङ्गमार्ग बनाउने योजना अघि बढाएका थिए । अहिलेको कार्यकालमा त्यसलाई मुर्तरुप दिन थालेका हुन् ।

सिद्धबाबाको जोखिम क्षेत्रलाई सुरक्षित बनाउन सुरुङ्ग मार्गसहित अन्य किसिमका योजना तय गरिएका छन् । ५ वर्षभित्र सुरुङ्ग निर्माणको काम सक्ने योजना रहेको सडक विभागका उपमहानिर्देशक विजय जैशीले बताएका छन् । सुरुङ्ग मार्गको प्रवेश विन्दु र अन्तिम बिन्दुमा भने रकनेट र रकसेट बिधिबाट पहिरो व्यवस्थापनको काम हुने उनले बताए । सिद्धबाबा क्षेत्रमा सडक विभागले सुरुङ्ग मार्ग निर्माणका लागि टेण्डर आह्वान गरेको हो । डबल लेनको सुरुङ्ग निर्माणका लागि टेण्डर आह्वान भएको हो । यो सुरुङ्ग निर्माण ५ वर्षभित्र सक्ने योजनासहित निर्माण कम्पनीको खोजी भएको हो।

सिद्धवावामा सुरुङ्ग बनाउने विषयलाई अर्थमन्त्री पौडेलले विशेष जोड दिदै आएका थिए । हाल पहिरोले अत्याधिक जोखिम क्षेत्र रहेको क्षेत्रमा ११ सय २६ मिटरको सुरुङ्ग बन्नेछ । अन्य स्थानमा ढुंगा नखस्ने प्रविधि अपनाइनेछ । करिव ३ किलोमिटर क्षेत्र सुरक्षित बनाउने काम सडक विभागले गर्न लागेको हो ।सुरुङ्ग निर्माणपछि पनि अहिलेको सडक कायमै हुनेछ । जसलाई आपतकालीन अवस्थामा सवारीसाधन चलाउन प्रयोग गरिनेछ । जसको माथिबाट पहिरो झर्न नदिन रकसेट प्रबिधि अपनाइने उपमहानिर्देशक जैसीले जानकारी दिए । सडक बिभागले ४५ दिने बोलपत्र आह्वान गरेको छ । अनुभवी कम्पनीले मात्रै सुरुङ्ग निर्माणका लागि टेण्डर दाखिला गर्नेछन् ।