प्रेस संगठनका विजयी उमेद्धारलाई माओवादी केन्द्रको सम्मान

तिलोत्तमा २०७७ चैत्र २८ गते। नेकपा माओवादी केन्द्र बुटवल उपमहानगर कमिटीले नेपाल पत्रकार महासंघ रुपन्देहीको निर्वाचनमा विजयी हुने प्रेस संगठनका उमेद्धारहरुलाई अभिनन्दन गरेको छ । शनिबार आयोजित एक कार्यक्रमका विच संगठनबाट विजयी भएका उमेद्धारहरुलाई अभिनन्दन गरीएको हो । प्रेस संगठन नेपाल रुपन्देहीबाट प्रतिनिधित्व गर्दै केन्द्रिय परिषद सदस्यमा रुपन्देहीबाट विनोद पहाडी, सरु राना, रुद्रहरी कुृँवर, प्रदेश परिषद सदस्यमा कमल रायमाझी, दिपक गलामी र लुम्बिनी प्रदेश समितिमा भुवन कार्की र विन्दु कुमार चौहान निर्वाचित भएका थिए । यस्तै नेपाल पत्रकार महासंघ रुपन्देहीको कोषाध्यक्षमा संञ्जय सौगात विश्वकर्मा, सह–सचिवमा मायाँ केसी, सदस्यहरुमा कपिल अधिकारी, मोहन न्यौपाने, टंक सुनार, प्रकाश पाण्डे र राज चौधरी निर्वाचित भएका छन ।

निर्वाचित उमेद्धारलाई पार्टीका केन्द्रिय सदस्यद्वय बामदेव क्षेत्री र हकिकुल्लाह खाँ तथा माओवादी केन्द्र बुटवलका सचिव नारायण वञ्जाडेले संयुक्त रुपमा सम्मान पत्र र खादा सहित अभिनन्दन गरेका हुन । महासंघ रुपन्देहीमा नेपाल प्रेस युनियन, प्रेस संगठन नेपाल, प्रेस चौतारी नेपाल, प्रगतिशिल पत्रकार संघ र क्रान्तिकारी पत्रकार महासंघले संयुक्त लोकतान्त्रिक–प्रगतिशिल प्यानल बनाएर निर्वाचनमा होमिएका थिए । प्यानल निर्माण गर्दा संगठनको भागमा परेका सबै उमेद्धार विजयी भएका हुन । प्रेस युनियनको भागमा परेको महिला उपाध्यक्षमा भने प्रेस चौतारीबाट अमृता पाण्डेय निर्वाचित हुन सफल भएकी छन । पाण्डेयले प्रेस युनियनकी सञ्जु पौडेलललाई १ मतले पराजित गरेकी हुन ।

नयाँ शिराबाट पार्टी निर्माणको दिशामा लाग्नु पर्ने :क्षेत्री 

नेकपा माओवादी केन्द्रका केन्द्रिय सदस्य वामदेव क्षेत्रीले नयाँ शिराबाट पार्टी निर्माणको दिशामा लाग्नु पर्ने बताउनु भएको छ । शनिबार माओवादी केन्द्रको बुटवल उपमहानगर कमिटीको विस्तारीत बैठकमा बोल्दै उहाँले टुटफुटका कारण माओवादीको एजेण्डा स्थापित हुँदा पनि माओवादी कमजोर भएको बताउनु भयो । उहाँले एकताका लागि सम्पूर्ण माओवादी धारका पार्टीहरुलाई आह्वान समेत गर्नु भयो । उहाँले माओवादी पार्टीमा टुटफुटको अवस्थामा पनि अहंकार अझै नगएको दुखेसो गर्नु भयो । नेता क्षेत्रीले पार्टी भित्र सिद्धान्त भन्दा पनि व्यक्ति स्थापित हुने प्रचलन वढेकाले निरासा छाएको बताउनुभयो ।

उहाँले संगठन मातहत मान्छे हुनु पर्ने भन्दै अन्यथा कार्वाही गर्नु पर्ने बताउनु भयो । सो अवशरमा बोल्ने नेता कार्यकर्ताहरुले माओवादी प्रति जनताको भरोसा अझै सम्म कायमै रहेको भन्दै एकताबद्ध भएर पार्टी निर्माणमा लाग्न नेताहरुलाई सुझाएका थिए । अप्ठ्यारो पर्दा मात्रै कार्यकर्ता सम्झने अन्य समयमा वास्तै नगर्ने गरेको भन्दै उनिहरुले नेताहरु संग आक्रोस पोखेका थिए । सर्वोच्च अदालतले एमाले र माओवादी ब्युउताउने निर्णय गरे संगै दुवै पार्टीले पूर्ववत रुपमा गतिविधि गर्न थालेका छन ।