सामीको आयोजनामा समुदाय अभिमुखीकरण तालिम सम्पन्न

तिलोत्तमा २०७७ चैत्र १२। सुरक्षित आप्रवासन परियोजना(सामी)को आयोजनामा समुदाय अभिमुखीकरण तालिम सम्पन्न  भएको छ। परियोजनाले सहि सुचना र सिप लिएर वैदेशिक रोजगारमा जान चाहने सम्भावित कामदारलाई “स्वदेशमा नै रोजगारी गरौं, वैदेशिक रोजगारीमा जाने नै भए, सही सूचना लिएर र सीप सिकेर मात्र जाऔ” भन्ने उदेश्यका साथ सो अभिमुखीकरण तालिम दिएको परियोजना संयोजक सीता पन्थ भण्डारीले बताउनुभयो। वैदेशिक रोजगारलाई सुरक्षित मर्यादित र व्यवस्थित गर्नका लागि अभिमुखीकरण कार्यक्रम संचालन गरिएको संयोजक भण्डारीको भनाइ छ।

रुपन्देहीका ४ स्थानिय पालिकामा संचालान गरिएको सो कार्यक्रमको दौरानमा तिलोत्तमा नगरपालिका- २ को सिद्धार्थटोल र वडानम्वर ८ को प्रदिपनगरमा समुदाय अभिमुखिकरण कार्यक्रम सम्पन्न गरिएको छ । वडा नम्वर २ सिद्धार्थ टोलका १७ जना र वडा नम्वर ८ प्रदिपनगरका २३ जनाको सहभागिता रहेको सो कार्यक्रममा हेल्भेटास नेपालका कार्यक्रम अधिकृत जियाहुल हकको पनि उपस्थिति रहेको थियो । कार्यक्रममा विभिन्न चित्र मार्फत सिकाई विधिको प्रयोग गरिएको थियो। सहभागिहरुले वैदेशिक रोजगारमा जादा सहि सुचना र सीपको महत्व, कागजपत्रको सुरक्षा र त्यसको महत्व ,घरेलु कामदारको रुपमा वैदेशिक रोजगारीमा जादा विचार पु¥याउनुपर्ने कुराहरु वारे सहजीकरण गरिएको थियो।

कार्यक्रमको सञ्चालन परियोजना संयोजक सीता पन्थ भण्डारीले गर्नुभएको थियो। नेपाल सरकार र स्वीस सरकारबीच भएको दुई पक्षिय समझौता अनुसार श्रम रोजगार तथा सामाजिक सुरक्षा मन्त्रालय र स्थानिय सरकारको नेतृत्व तथा हेल्भेटास नेपालको प्राविधिक सहयोगमा सञ्चालित सुरक्षित आप्रवासन परियोजना सामी रुपन्देही जिल्लाका ४ वटा स्थानिय तहहरु, सिद्धार्थनगर नगरपालिका,बुटवल उपमहानगरपालिका,तिलोत्तमा नगरपालिका,कञ्चन गाउँपालिकाको नेतृत्वमा सञ्चालित छ ।