लुम्बिनी फ्रिडम मिडिया प्रा.लि द्वारा संचालित
छन्द : शार्दूलविक्रिडित
गाँजा भाङ्ग चरेसको प्रगतिले नेपालभो सुन्दर ।
नेपालै भरि खोलीने पसलमा राखिन्छ आफ्नै दर।।
खाली छैन सुरा कुनै पसलमा व्यापार ठुलै छ र।
पालीन्छन् कति सुन्दरी पसलमा नेपाल के कम छ र।।
नेपाली महिला दिदी र बहिनी निर्यात् हुन्छन जहाँ।
बेची देह विदेशमा त अरवौ सम्पत्ति लिन्छन् उहाँ।।
ठुलै गौरब मानिदै छ अहिले चिन्ता लिने को छ र।
हाम्रो देश समान देश छ कहाँ नेपाल के कम छ र।।
इच्छापूर्ण भयो मिले त सजिलै भन्सारको नोकरी।
एकै बर्ष नभई बने महलनै थैला सुनौला भरी।।
झ्याप्पै निभ्न सिपालु हुन्छ विजुली पानी विनाको कर।
तिर्नै पर्छ पचास तीस बदला नेपाल के कम छ र।।
नेपाली उपभोग्य बस्तुु जतिछन् दुब्लाउछन् छिन् छिन।
बढ्दो चन्द्रकला समान दरता मोटाउछन् दिनदिन।।
डोकामा रुपिया लिइ पसलमा लैजान पर्नै छ र।
किन्दा माल त इत्तिमात्र हुने हो नेपाल के कम छ र।।
कोशी वागमती नदी नदहरु नारायणी गण्डकी ।
कर्णाली अनि राप्ती हिमनदी राख्यौ सबै बन्धकी।।
हाम्रै भूमि मिचि निकाल्न विजुली जस्ले बनायो घर।
सम्झौता गरियो उसैसित झुकि नेपाल के कम छ र।।
लेखक÷ विकास ज्ञवाली (अविरल यात्री)
कमेन्ट गर्नुहोस्