ब्रिटिस ग्रामर स्कुल रूपन्देहीमा तेस्रो साहित्यिक महोत्सव

तिलोत्तमा,माघ २१।ब्रिटिस एजुकेसन ग्रुप रुपन्देहीको व्यवस्थापनमा सञ्चालित ब्रिटिस ग्रामर स्कुल रुपन्देही (नमस्ते एकडेमीमा) सोमबार नयाँ विद्यार्थीहरुको अक्षरारम्भ सँगसँगै साहित्यिक महोत्सव सम्पन्न गरिएको छ ।वरिष्ठ लेखक तथा साहित्यकार जँगबहादुर शाहको प्रमुख आतिथ्य रहेको कार्यक्रममा मोफसलका साहित्यिक व्यक्तित्वहरूले विद्यालयका साहित्य अनुरागी विद्यार्थीसँग अन्र्तक्रिया र छलफल गरेको विद्यालयका प्राचार्य दिलबहादुर बुढाथोकीले जानकारी दिनुभयो ।

महोत्सवमा नेपाली साहित्यमा युवाको भूमिका, लेखककार बन्न आवश्यक कुरा तथा कर्महरु, आर्ट अफ स्टोरी टेलिङ्गको महत्व र शैली, कविता वाचन, कला शीर्षकमा साहित्यकार र विद्यार्थीबिच परिचर्चा कार्यक्रम गरिएको व्यवस्थापक उमेश कँडेलले जानकारी दिनुभयो ।नमस्ते एकेडेमीका कक्षा १० मा अध्ययनरत विद्यार्थी प्रशान्त चौधरीले सृजना गरेको पुस्तक The voice within me , कक्षा ७ का विद्यार्थी समशीतोष्ण अर्यालको Echo of Dragon´s flame र प्राइमरी तहका ३२ जना विद्यार्थीको सयुक्त पुस्तक Whispers of young minds को विमोचन र उक्त पुस्तकहरुको समीक्षा समेत महोत्सवमा गरिएको छ ।

कार्यक्रममा लेखक र बाल साहित्यकारका बिच अन्तरक्रिया गरि छलफल चलाइएको कार्यक्रमा अभिभावकहरुको समेत उल्लेख्य सहभागिता रहेको थियो । साहित्यिक महोत्सवमा विद्यार्थीका रुचि र स्तर अनुसारका पुस्तक प्रदर्शनी गरिएकोसंस्थापक प्राचार्य राजेन्द्र कुँवरले रेडियो लुम्बिनीलाई बताउनुभयो  ।नेपाली संस्कृति, कला ,साहित्य, भेषभुषा र परम्पराको जगेर्ना गर्ने उद्देश्यसहित आयोजना गरिएको कार्यकममा सरस्वती बन्दना सहित विविध नेपाली लोक सांस्कृतिको पनि प्रदर्शनी गरिएको थियो ।