तिलोत्तमा सिटी १६ बैशाख २०८०। भारतमा उपचाररत नेपाली कांग्रेसका नेता एवं प्रतिनिधि सभा सदस्य डा. चन्द्र भण्डारी भोलि स्वदेश फर्कनुहुने भएको छ । गएको फागुन ३ गते राति आफ्नै निवास काठमाण्डौको बुद्धनगरमा ‘ग्यास लिक’ भएर आगालागी हुँदा उहाँ गम्भीर घाइते हुनुभएको थियो । उहाँ भारतमा स्वास्थ्य उपचारपछि स्वदेश फर्कन लाग्नुभएको हो । भण्डारीको भारतको मुम्बईमा रहेको नेशनल बर्न सेन्टरमा उपचार भैरहेको छ । उहाँ उपचारपछि भोलि बेलुका काठमाण्डौ आइपुग्ने कांग्रेस नेता माधव न्यौपानेले जानकारी दिनुभयो । भण्डारीको स्वास्थ्यमा सुधार आएको छ । उहाँ बोल्न र हिँड्न थाल्नुभएको छ । आगलागीमा परि सांसद भण्डारीकी आमा हरिकलाको निधन भएको थियो ।
कमेन्ट गर्नुहोस्