लुम्बिनी फ्रिडम मिडिया प्रा.लि द्वारा संचालित
तिलोत्तमा,२०७९ फागुन १३। तिलोत्तमा रक्तदाता समाजले शनिबार ३० औं नियमित रक्तदान कार्यक्रम सम्पन्न गरेको छ । तिलोत्तमा ९, ज्ञानोदय चोकमा आयोजित कार्यक्रममा बोल्दै प्रमुख अतिथि एवं तिलोत्तमा ९ का वडा अध्यक्ष ध्रुव न्यौपानेले, रक्तदान महादान भएकाले यस्ता कार्यक्रममा सबैको साथ र सहभागिता जरूरी रहेको बताउनुभयो । कार्यक्रममा विशिष्ट अतिथिको आसनबाट बोल्दै सामाजिक अभियन्ता सागर ढकालले, दुर्गम र पहाडी भेगमा रगतको अभावमा आम सर्वसाधरणलले ज्यान गुमाउनुपर्ने अवस्था रहेको भन्दै यस्ता कार्यक्रमलाई देशैभरि अभियानको रूपमा लैजान समाजलाई आग्रह गर्नुभयो ।
तिलोत्तमा रक्तदाता समाज र ज्ञानोदय क्लबको संयुक्त आयोजना रहेको रक्तदान कार्यक्रममा ५० जनाले रक्तदान गर्नुभएको थियो । तिलोत्तमा रक्तदाता समाजका अध्यक्ष गोबिन्द बन्जाडे र ज्ञानोदय क्लबका अध्यक्ष बिक्रम पान्डेको संयुक्त अध्यक्षतामा सम्पन्न कार्यक्रमको सन्चालन संयोजक बिक्रम गैरेले गर्नुभएको थियो ।
कमेन्ट गर्नुहोस्