लुम्बिनी फ्रिडम मिडिया प्रा.लि द्वारा संचालित
डिल्लीप्रसाद अधिकारी
२०७८ फागुन ९ ,तिलोत्तमा सिटी ।
जाडो याम बिताउन घाम साथी मेरो
मनै शीतल गराउने राम साथी मेरो ।
जिन्दगीमा ठक्कर खाएँ न्याय खोज्दाखेरि
न्यायसंगत बाँच्नलाई काम साथी मेरो ।
धोका खाएँ सबैबाट चोट लागे धेरै
सम्झनामा फेरि आज नीलो डाम साथी मेरो ।
सबैलाई खुशी पार्न सकिएन कसै
देवतालाई खुशी पार्ने धाम साथी मेरो ।
कमाएको नहोला क्यै आजसम्म मैले
गुमाएका जति जे छन् दाम साथी मेरो ।
आफैंलाई रित्याएर खुशी बाढ्दै हिडें
दुखी बनाउने रित्तो खाम साथी मेरो ।
रमाउनै नसकेको ए! डिल्लीप्रसाद
यदाकदा फर्किआउने सलाम साथी मेरो ।
कमेन्ट गर्नुहोस्