लुम्बिनी फ्रिडम मिडिया प्रा.लि द्वारा संचालित
२०७८ पुष ३०, तिलोत्तमा सिटी।
चर्का नाराहरु दिनदिै छोडिद्यौ मित्र सुन्न ।
नेताजीका चतुर गफले देशको हीत हुन्न ।
कस्ले सुन्ने अब जननिको टीठ लाग्दो पुकार ।
मेरा प्यारा युवक बलिया देशका कर्णधार ।।
उर्लीराख्यो मुलुकभर यो द्वन्द्वको ज्वारभाटा ।
नेपाली नै चुप रहिरहे भन्दछन् “छन् कि लाटा!”
मौका छोपी यहि समयमै लुट्न सक्छन् गँवार ।
मेरा प्यारा युवक बलिया देशका कर्णधार ।।
सक्छौ तिम्ले यहि मुलुकमै रत्न खानी निकाल्न ।
आपैm सक्छौ अटल रहने ज्ञानको दीप बाल्न ।
तारा ल्याऊ पृथिवितलमा व्योममाथि पुगेर ।
मेरा प्यारा युवक बलिया देशका कर्णधार ।।
पैह्रा जाने स्थिति हुन गयो हेर हाम्रा पहाड ।
आँखा गाडी परमुलुकले गर्दछनन् नित्य डाढ ।
यै माटोमा युवक सुनको बोट तिम्ले उमार ।
मेरा प्यारा युवक बलिया देशका कर्णधार ।।
हे तन्नेरी किन तिमिहरू जान थाल्यौ विदेश ?
पृथ्वी बोक्ने बल पर भए झन् उँधो हट्छ देश ।
कोरीया वा अरब दुवई जान छोड्द्यौ कतार ।
मेरा प्यारा युवक बलिया देशका कर्णधार ।।
बच्चा औंला सरि बुझ युवा हौ तिमी मेरुदण्ड ।
तिम्रै शक्ती मजबुत भए राष्ट्र होला अखण्ड ।
छैँटीमा जे जति लिखित भो मेट आफ्नो निधार ।
मेरा प्यारा युवक बलिया देशका कर्णधार ।।
मोती फल्ने वन चहुरमा हेर के भैरहेछ ?
खेती गर्ने जमिन अहिले खेर पो गैरहेछ ।
राम्रो फल्ने डलर घरमै रूख यौटा उमार ।
मेरा प्यारा युवक बलिया देशका कर्णधार ।।
डाँडाकाँडाहरु युवक हो भैरहेछन् उजाड ।
तिम्रो खाँचो महसुस गरी पर्खँदैछन् पहाड ।
फर्की आऊ अब त घरमा हुन्न टाढा बसेर ।
मेरा प्यारा युवक बलिया देशका कर्णधार ।।
कमेन्ट गर्नुहोस्