लुम्बिनी फ्रिडम मिडिया प्रा.लि द्वारा संचालित
२०७८ पुष १८, तिलोत्तमा सिटी। चिकित्सा शिक्षा आयोगले तोकेभन्दा भन्दा बढी शुल्क लिने मेडिकल कलेजलाई कानूनी दायरामा ल्याउन गृहमन्त्रालयले निर्देशन दिएको छ । काठमाडौं उपत्यकाका तीन जिल्लासहित १२ जिल्ला प्रशासन कार्यालयलाई पत्र लेख्दै छानबिन गरी बढी शुल्क लिएको पाइएमा कानूनी कारबाही गर्न गृहमन्त्रालययले निर्देशन दिएको हो । काठमाडौं उपत्यकाका तीन जिल्लासहित मोरङ, सुनसरी, धनुषा, पर्सा, चितवन, कास्की, रुपन्देही,बाँके र जुम्मा प्रशासन कार्यालयलाई पत्र लेख्दै बढी शुल्क लिने मेडिकल कलेजलाई कारबाहीको दायारमा ल्याउन भन्दै गृहले पत्राचार गरेको स्रोतले जानकारी दियो ।
बढी शुल्क लिएको विषयमा विद्यार्थीहरु आन्दोलन गर्दै आएकोमा उक्त विषय छानबिन गर्न र तोकिए भन्दा बढी शुल्क लिएको पाइएमा कारबाही गर्न त्यसको जानकारी मन्त्रालयमा पठाउने भन्दै निर्देशन दिइएको छ। प्रधानमन्त्री तथा मन्त्रीपरिषदको कार्यालय, शिक्षा, विज्ञान तथा प्रविधि मन्त्रालय र चिकित्सा शिक्षा आयोगलाई बोधार्थ दिँदै गृहले १२ जिल्ला प्रशान कार्यालयलाई पत्रचार गरेको छ ।
कमेन्ट गर्नुहोस्