"म र मेरो परिचय ":कविता

तिलोत्तमा सिटी,१६ साउन २०७८,शनिबार।

सुकेको रूखलाई हेर तिमीले 

जसमा मेरो जीवन पाउँनेछौ 

बलेको आगोमा हेर तिमीले

जसमा म बलिरहेको पाउँनेछौ ।

ढुङ्गा ,पत्थर जति सारो हुन्छ

मेरो मन मस्तिष्क उति गाह्रो हुन्छ 

विचार गरेर मात्र बोल्ने गर्छु म

सबैलाई समान व्यवहार छर्छु म                     

जीवन कठिनाई बाधाले घेरिएको छ 

समयसँगै हरेक कुराहरु पनि फेरिएको छ 

न त बोल्न सके जीवनमा  न त केही गर्न नै 

गोरेटोमा अड्किएर आभास रह्यो मनमा नै ll                  

प्रकृतिको माया साथमा रम्ने मान्छे हुँ म 

कसैको सहारा बिना नै हिँड्ने मान्छे हुँ म 

संसार स्वार्थी बन्दै गएको छ हेर 

डर, त्रासमा सधैँ मनमा भएको छ हेर ll

झमझम पानी परिरहेको बेला 

रुझ्न मन लाग्ने यो मन कस्तो होला 

जीवन अन्धकारबाट एक  उज्यालोतिर फर्कियोस् 

आशा कति जिन्दगीका यसरी पानीसरी न दर्कियोस्  ll 

हेर  जसमा मलाई पाउँनेछौ                 

रिता खराल, रुपन्देही