लुम्बिनी फ्रिडम मिडिया प्रा.लि द्वारा संचालित
लुम्बिनी फ्रिडम मिडिया प्रा.लि द्वारा संचालित

लुम्बिनी प्रदेशमा बिउबिजन ऐन लागु

IMG

जेष्ठ १ गते शनिबार २०७८ तिलोत्तमा सिटी। लुम्बिनी प्रदेश सरकारले बिउबिजन ऐन लागु गरेको छ । किसानलाई गुणस्तररिय बिउबिजन उपलब्ध गराउने, बिउबिजनमा नेपाललाई आत्मनिर्भर बनाउने र आयात प्रतिस्थापन गर्ने ऐनको मुल उद्देश्य रहेको छ । प्रदेश सरकारको भुमि व्यवस्था, कृषि तथा सहकारी मन्त्रालयका अनुसार प्रदेशमा बिउबिजन उत्पादन, बजारीकरण र उपयोग सम्बन्धी निति बनाउने, कार्यान्वयन गर्ने र अनुगमन गर्ने ऐनको अर्को उद्देश्य रहेको छ । प्रदेशमा बिउबिजन सम्बन्धी व्यवस्था गर्न बनेको बिधियक प्रदेशसभाबाट पारित भइ बिउबिजन ऐन बनेको हो । प्रदेशमा गुणस्तरीय बिउबिजन उत्पादन, बजारीकरण र व्यवस्थित उपयोग गर्ने मुल लक्षसहित प्रदेश सरकारले सो ऐन बनाइएको भुमि व्यवस्था, कृषि तथा सहकारी मन्त्रालयले जनाएको छ । 


मन्त्रालयका बाली विकास अधिकृत शालिकराम गौतमका अनुसार गुणस्तरीय बिउबिजनको उत्पादन, कारोबार र प्रयोगलाई व्यवस्थित गरी गुणस्तरिय खाद्यान्न, तरकारी तथा फलफुल उत्पादन वृद्धि गरी आत्मनिर्भर बनाउने सो ऐनको लक्ष्य हो ।बिउबिजन उत्पादन कम्पनी, कारोबार गर्ने व्यवसायी र उपयोग गर्ने किसानलाई सामुहिक रुपमा लक्षित गरि व्यवस्थापन गर्ने एवं गुणस्तरीय बिउबिजन उत्पादन गरी समग्र प्रदेश र नेपाललाई नै आत्मनिर्भरताको बाटोमा उन्मुख गराउने सो ऐनको अर्को लक्ष्य रहेको अधिकृत गौतमले बताए । 


बिउबिजन सम्बन्धी विषय अत्यन्तै संवेदनशिल भएकोले संघीय सरकारले भन्दा अगावै लुम्बिनी प्रदेश सरकारले बिउबिजन ऐन बनाएको हो । संघीय बिउबिजन ऐन २०४५ को दोस्रो संसोधन अहिले संघीय संसदमा विचाराधिन अवस्थामा छ । संघीय बिउबिजन ऐन बमोजिम सोही आधारमा रहेर प्रदेश ऐन बनाइएको र बिउबिजन उद्योग तथा व्यवसाय दर्ता, नविकरण र सुचीकृत भएका सरोकारवाला पक्षले मात्र बिउबिजनको उत्पादन तथा कारोबार गर्ने व्यवस्था ऐनमा छ । ​बिउबिजन ऐन, निति, नियम र निर्देशनविपरीत कार्य गरेमा उत्पादक तथा व्यवसायीलाई कारबाही तथा जरिवाना समेत गर्ने व्यवस्था ऐनमा रहेको अधिकृत गौतमले बताए ।संघीय बिउबिजन ऐन २०४५ बमोजिम दोस्रो संशोधन अहिले संसदमा विचाराधिन रहेको भए पनि संघीय सरकारको बिउबिजन नितिमा आधारित रहेर कार्य सम्पादन भइरहेको अधिकृत गौतमले बताए । गौतमका अनुसार प्रदेशमा ऐन कार्यान्वयन गर्न गराउन मन्त्रालयका सचिवको अध्यक्षतामा प्रदेश बिउबिजन व्यवस्थापन समिति गठन गरिएको छ । 


ऐन अन्तर्गत प्रदेशमा बिउबिजन प्रयोगशाला स्थापना गर्ने योजना रहेको र भविष्यमा लुम्बिनी प्रदेश र समग्र मुलुककै उत्पादकत्व वृद्धि गरी समृद्धिको दिशामा अघि बढाउन एवं आर्थिक उन्नति हासिल गर्न बिउबिजन ऐनले सघाउ पुग्ने विश्वास प्रदेश सरकारले गरेको छ । यसले मुलुकको कुल ग्राहस्थ उत्पादनमा पनि टेवा पुर्याउने अपेक्षा गरिएको छ ।

कमेन्ट गर्नुहोस्