कांग्रेसले आब्हान गरेकाे जिल्ला बन्दले रूपन्देहीको जनजिवन ठप्प

१८ आश्विन २०७७, आईतवार।  नेपाली कांग्रेसले आब्हान गरेकाे रुपन्देही बन्दका कारण रूपन्देहीको जनजिवन ठप्प भएको छ ।जिल्लाका मुख्य राजमार्ग सुनसान बनेका छन् भने भित्री सडकहरुमा फाट्ट फुट्ट साना सवारी मात्रै गुडेका छन् ।मुख्य राजमार्गमा सुरक्षाकर्मीकाे संख्या बाक्लाे पारिएकाे छ । आन्दाेलनलाइ राेक्न प्रशासनले बुटवलका मुख्य मुख्य चाेकहरुमा २१ गतेसम्मका लागि निषेधाज्ञा जारी गरेकाे छ ।प्रदेश ५ को राजधानी दाङ लैजाने प्रदेश सरकारको निर्णयकाे विरोधमा कांग्रेसले अाज रूपन्देही जिल्ला बन्दकाे अाह्वान गरेको हो ।कांग्रेसले बिगत ३ दिनदेखि बिराेध प्रदर्शन गर्दै आएको छ । हिजाे बेलुका बुटवलमा मा मसाल जुलुस निकालेको थियाे ।

रुपन्देहीबाट राजधानी सार्न प्रदेश सभा मा पेश गरेको प्रस्ताव फिर्ता गर्न कांग्रेसले माग गरेकाे छ । प्रदर्शनमा  सहभागीले राजधानीको विषयमा नेकपाले अन्तर्घात गरेको भन्दै सरकार र नेकपाविरूद्ध नाराबाजी गरेका थिए।अन्तर्घाती नेकपा मुर्दावाद, रुपन्देहीलाई नै राजधानी कायम गर, बुहसंख्यक नागरिकको मनोभावना ख्याल गरु,राजधानी सार्ने औचित्य प्रस्ट पार लगायतका नारा उनीहरूले लगाएका थिए।