लुम्बिनी फ्रिडम मिडिया प्रा.लि द्वारा संचालित
‘राष्ट्रिय नागरिक आन्दोलन समिति २०७७’ को आह्वानमा काठमाडौं उपत्यकामा राजसंस्थाको माग गर्दै शनिबार प्रदर्शन भएको छ । प्रदर्शनमा सहभागीहरुले हातहातमा राष्ट्रिय झण्डा बोकेका थिए ।पृथ्वीनारायण शाहको तस्वीर बोकेका उनीहरुले राजसंस्थाको स्थापना तथा संघीयता र धर्म निरपेक्षता खारेज गर्नुपर्ने नारा लगाएका छन् । माइतीघर मण्डलाबाट सुरु भएको प्रदर्शन नयाँ बानेश्वरमा पुगेर कोणसभामा परिणत भएको थियो ।सभामा अधिवक्ता सुरेन्द्र भण्डारीले आफूहरुको तीन माग रहेको बताए । राजसंस्था स्थापना, तथा संघीयताको र धर्म निरपेक्षताको खारेजी आफूहरुको माग भएको उनले बताए ।
अधिवक्ता बालकृष्ण न्यौपानेले आफूहरुले हिजोको जस्तो राजा होइन, बेलायत र जापानको जस्तो राजसंस्था खोजेको बताएका छन् । यसका लागि आगामी फाुगन ७ गते काठमडौंबाट निर्णायक आन्दोलन गर्ने उनले बताए ।यसअघि देशभर बिभिन्न जिल्लाहरुमा राजसंस्थाकाे पक्षमा प्रदर्शन जारी भैरहेका छन् ।
कमेन्ट गर्नुहोस्