राजधानी आन्दोलनमा स्कुटि जलाउने ४ जना माथीअनुसन्धान सुरु, अपराधिक उपद्रवको मुद्दा

तिलोत्तमा। प्रदेशको स्थायी राजधानीका सम्बन्धमा बुटवलमा भएको आन्दोलनका क्रममा स्कुटी जलाएको अभियोगमा रुपन्देही प्रहरीले ४ जनालाई पक्राउ गरि अपराधिक उपद्रोहको मुद्दा दर्ता गरिएको छ । आन्दोलनका क्रममा असोज १६ गते बुटवल उप-महानगरपालिका ११ देविनगर होराईजन चोकमा आन्दोलनकारीहरुले एकजना सरकारी कर्मचारीको स्कुटी जलाईदिएका थिए । आन्दोलनरत पक्षहरूले तिलोत्तमा नगरपालिकाको नाममा रहेको लु १ व २४७० नम्बरको स्कुटर जलाई अपराधिक उपद्रव गरेको घट्ना सम्बन्धमा सन्दिप पाण्डेय लगायत अन्य ३ जना विरुद्ध अपराधिक उपद्रवको मुद्धा दर्ता गरीएको रुपन्देही प्रहरीले जनाएको छ ।

प्रहरीले स्कुटी जलाएको अभियोगमा बुटवल उप-महानगरपालिका ११ बुद्धनगरका भेषराज पोख्रेल, रोशन थापा, तिलोत्तमा नगरपालिका-२ सन्दिप पाण्डेय तथा गुल्मी मालिका गाँउ पालिका ८ घर भई हाल लुम्बिनी वाणिज्य क्याम्पसमा पढ्ने सुरज क्षेत्रीमाथीअनुसन्धान सुरु गरिएको रुपन्देही प्रहरीका प्रवक्ता नायव प्रहरी उपरिक्षक खडक बहादुर खत्रीले बताए । कार्यालयबाट घर फकंदै गरेकी तिलोत्तमा नगरपालिकाकी महिला कर्मचारीलाई बीच सडकमा झारी आन्दोनकारीहरुले उनले चलाएको स्कुटी जलाईदिएका थिए।हाल पक्राउ परेका ६ जना मध्ये ४ जनालाई अनुसन्धानको घेरामा राखी २ जना थुनामा राखिएको छ।